విశ్వాస వీరులం క్రీస్తు శిష్యులం – దేవునికే మేం వారసులం

అబ్రహామును దేవుడు పిలిచెను -అశీర్వాదపు వాగ్ధాన మిచ్చెను
అబ్రహామును దేవుని నమ్మెను – దేవుడతని కది నీతిగా ఎంచెను
ప్రభువు పిలువగనే ఎందుకో తెలియకనే – కదిలెనుగా అబ్రహాము
యెహోవ యీరే అని కొడుకును లేపునని – అర్పించి పొందెనబ్రహాము
విశ్వాసులకు తండ్రయ్యాడు – దేవునికే స్నేహితుడై పేరొందాడు

యోసేపుకు దేవుడు కల లిచ్చెను – ఫలించు కొమ్మగా అశీర్వదించెను
యోసేపు దేవుని ప్రేమించెను – అన్ని వేళల ప్రభు వైపే చూచెను
గుంటలో త్రోసినను అన్నలు అమ్మినను -యొసేపు ప్రభునే నమ్మాడు
ప్రభువే తోడుండా శోధన జయించి – అధిపతిగా ఎదిగినాడు
బానిస కాస్త రాజైనాడు – ఫరోకే తండ్రి వలే రాజ్యమేలాడు

దానియేలుకు దేవుడు వరమిచ్చెను – కలల భావము వివరింప నేర్పెను
దానియేలు తన దేవుని ఎరిగెను – ప్రత్యేకముగా జీవించి చూపెను
రాజుకు మ్రొక్కనని ప్రభువే దేవుడని – దేవుని మహిమను చూపాడు
సింహపు గుహ అయినా ధైర్యముగా దూకి – సింహాల నోళ్లను మూశాడు
దానియేలు దేవుడే జీవము గల దేవుడని – రాజు చేత రాజ్యమంత చాటించాడు

సౌలును పౌలుగా దేవుడు మార్చెను – దైవ వాక్యపు ప్రత్యక్షత నిచ్చెను
పౌలు యేసుని అంతట ప్రకటించెను – భులోకమంతా సంచారము చేసెను
క్రీస్తుని యోధునిగా శ్రమలను సహియించి – దర్శనమును నెరవేర్చాడు
జీవ వాక్యమును చేత పట్టుకొని – సిలువ సాక్షిగ నిలిచాడు
తన పరుగును కదా ముట్టించి – విశ్వాసం కాపాడుకొని గెలిచాడు