ఆత్మీయ సందేశములు
యేసయ్య మాట్లాడిన ప్రతీ మాటలో ఒక అర్థము ఉంటుంది. పేతురుకు రాత్రి అంతా కష్టపడినా ఏమి దొరకని సందర్భములో, ఇంకా లోతుగా వెళ్ళి వలవెయ్యమని చెప్పారు. అలాగే, నీ ఆత్మీయమైన జీవితములో లోతుగా వెళ్ళినప్పుడే విస్తారమైనవి పొందుకోగలుగుతావు. కేవలము యేసయ్యను స్వంతరక్షకుడిగా అంగీకరించాను అనే పునాదిలోనే ఉండిపోకూడదు. నీ జీవితములోని ప్రతీ సందర్భములో, ఆయన నిన్ను నాశనమునుండి రక్షించి తప్పిచుటకు పంపబడ్డాడు అనే సత్యము ఎరిగి, ఆయన యందు నీవు నిరీక్షణ కలిగి ఉండాలి.
చాలా సందర్భాలలో మన జీవితాలలో మనకు వ్యతిరేకమైనవి మనముందు చాల కనబడుతుంటాయి. అట్టి సందర్భాలలో చాలా అందోళనకరంగా గలిబిలితోను ఉంటాము. అయితే మన దేవుడు మంచిదేవుడు. కొంతమంది జీవితాలు సాఫీగా ఉంటాయి, కొంతమంది జీవితాలు కష్టాలతో నిండి ఉంటుంది. అయితే వీరిరువురికీ కూడా ఆయనే దేవుడు. దేవునిని అర్థము చేసుకున్నట్టయితే ఆయన మంచితనాన్ని అర్థము చేసుకోగలుగుతాము. అందుకే మన జీవితాలలో దేవుని గూర్చిన నెగటివ్ ఆలోచనలు అస్సలు రానివ్వకూడదు. “నాకే ఎందుకే ఇలా” అనే ఆలోచన వచ్చినప్పుడల్లా నీవు జ్ఞాపకము చేసుకోవలసినది, “దేవుడు నన్ను ఏర్పరుచుకున్నాడు” అనే సత్యము జ్ఞాపకము చేసుకో!
ఈ లోకములో అనేకమైన మర్యాదలు, వ్యవహారములు ఉన్నాయి. అయితే వాటి ప్రకారము కాకుండా, దేవుని చిత్తప్రకారము ఏది మచిది? ఏది ఉత్తమమైనది అని తెలుసుకుని ఆ ప్రకారము చెయ్యాలి! మన శరీరములను సజీవ యాగముగా సమర్పించుకోవాలి. బలిగా అర్పించుట అనేదానిని గమనించినపుడు, ఒకసారి అర్పించినతరువాత దానిలో ఇక ఏ మాత్రము జీవము ఉండదు. అలాగే మనము సజీవ యాగముగా మనము అర్పించినప్పుడు, మన జీవితములో ఇంతకు ముందు ఉన్న లోకానుసారమైన సంగతులు ఇక జీవించకూడదు.
ఎవరైతే యేసయ్యను అంగీకరించినవారికి మాత్రమే ఈ అవకాశము. లోకము పుట్టినది మొదలుకొని మీ కొరకు సిద్ధపరచబడిన రాజ్యమును స్వతంత్రించుకొనుడి అని ఆహ్వానము ఇవ్వబడుతుంది. దేవుడు సిద్ధపరచబడినది నీ వద్దకే వస్తుంది. యేసయ్యను అంగీకరించిన నీ ధన్యత ఇదే. నీ ఆశీర్వాదము నీదే. అది ఎలా సిద్ధపరచబడుతుందో నీకు అనవసరము. ఆయన ఏది సిద్ధపరచేనో అది కంటికి కనపడదు, చెవికి వినబడదు, హృదయమునకు గోచరముకాదు.
1. తండ్రికి నీ ప్రార్థన సంబోధించాలి
2. దేవుని మహిమ ప్రకటించాలి
3. నీ అవసరము గూర్చి అడగాలి
4. నీవు అడిగినది దయచేయు సమర్థుడవు అని ఒప్పుకోవాలి
5. యేసు నామములో సమర్పించాలి
నెగటివ్ ఆలోచనలు ఆగిపోవాలి అంటే దేవుని స్తుతించాలి. మోషే కొండమీద ఆలస్యము చేసినప్పుడు ఆ ఉద్దేశ్యాన్ని అర్థము చేసుకోలేదు. చివరికి మోషే కొండమీదనుండి వచ్చినప్పుడు ఇశ్రాయేలు ప్రజలకు జీవముకలిగించే మాటలు కలిగిన పలకలు తీసుకుని వచ్చాడు. వారు గనుక మోషే దేవుని దగ్గరకు వెళ్ళాడు, ఆలస్యమైనా సరే మేము ఆశీర్వదించబడటానికే ఎదో ఒకటి తీసుకొస్తున్నాడు అనే సంగతి ఎరిగి ఉంటే, అపవాది అలోచనలకి అవకాశమే ఇచ్చేవారు కాదు. మనము కూడా ఆలస్యమైనా సరే సందేహించవద్దు, వాగ్దానము ఇచ్చినవాడిని నమ్మి మహిమపరచి నిలబడదాము.
6 గంటలు స్తుతి ఆరాధన పరిచర్య. ప్రత్యేకమైన ఆరాధన పరిచర్య.
మనము అడిగినది నెరవేర్చడానికి ఆయన తలుపు తడుతున్నాడు. నీవు ఊహించనిది అయినప్పటికీ ఆయన సిద్ధపరచినది జరిగించడానికి ఆయన తలుపు తడుతున్నాడు.
ఈరోజు నీవు పరీక్ష చేసుకో ఎక్కడ నీ తలుపులు మూసావు? నీ జ్ఞానమును బట్టి నీవు మూసేసావేమో, నీకు తెలిసిన బోధను బట్టి నీవు మూసేసావేమో. ఈరోజైనా ఈ మాటలు విన్న నీవు ఈరోజు నీ తలుపులు తీస్తావా? దేవుని తో చెప్తావా? అయ్యా నీ మాట ప్రకారము నా జీవితములో జరుగును గాక అని చెప్తావా?
ఈరోజు ప్రభువు ఒక ఆహ్వానము ఇస్తున్నాడు, “నా వెంబడి రండి”. అయితే పిలిచినవాడు ఎవడు ఎటువంటివాడు అనే సంగతి ఎరిగినట్టయితే అప్పుడు వెంబడించడానికి సిద్ధపడతావు.
వచ్చిన ఆహ్వానము ఎటువంటి పరిస్థితిలో అని మనము గమనించాలి. పేతురుకు ఉన్న నెగటివ్ సందర్భములో అనగా ఏమి దొరకని, ప్రయత్నము ఫలించని స్థితిలో ఆయనకు ఆహ్వానము వచ్చింది. వారు వరి వలలు విడిచిపెట్టి యేసయ్యను వెంబడించారు. అయితే ఎందుకు వెంబడించారు? పిలిచినవ్యక్తి ఎటువంటివాడు అనే సంగతి ఎరిగినవాడు. “ఏమీలేని స్థితిలో సమృద్ధి కలుగచేసినవాడు” వారిని పిలిచినవాడు అనే విషయము వారు గ్రహించారు.
మనము అడిగినది నెరవేర్చడానికి ఆయన తలుపు తడుతున్నాడు. నీవు ఊహించనిది అయినప్పటికీ ఆయన సిద్ధపరచినది జరిగించడానికి ఆయన తలుపు తడుతున్నాడు.
ఈరోజు నీవు పరీక్ష చేసుకో ఎక్కడ నీ తలుపులు మూసావు? నీ జ్ఞానమును బట్టి నీవు మూసేసావేమో, నీకు తెలిసిన బోధను బట్టి నీవు మూసేసావేమో. ఈరోజైనా ఈ మాటలు విన్న నీవు ఈరోజు నీ తలుపులు తీస్తావా? దేవుని తో చెప్తావా? అయ్యా నీ మాట ప్రకారము నా జీవితములో జరుగును గాక అని చెప్తావా?
