12-11-2023 – ఆదివారం రెండవ ఆరాధన

వారము కొరకైన వాక్యము

మన దేవుడు మనకు మరొక సమయము, మరొక అవకాశము ఇచ్చాడు. ఎందుకు మాటి మాటికీ మనము అవకాశము, సమయము ఇస్తున్నాడు? దేవుని చిత్తము లేకుండా ఆయన సన్నిధికి మనము రాలేము. ఒకసారి కురుపులతో బాధపడిన లాజరును గమనిస్తే, తన దయనీయమైన స్థితిలో కూడా తన దేవునిని మర్చిపోలేదు, దేవుని మీద విశ్వాసమును కోల్పోలేదు, నిరీక్షణ కోల్పోలేదు గనుకనే చివరికి అబ్రహాము రొమ్మున ఆనుకొని ఉన్నాడు.

సహోదరులారా, ఆ కాలములనుగూర్చియు ఆ సమ యములనుగూర్చియు మీకు వ్రాయనక్కరలేదు.౹ రాత్రి వేళ దొంగ ఏలాగు వచ్చునో ఆలాగే ప్రభువు దినము వచ్చునని మీకు బాగుగా తెలియును.౹ లోకులు – నెమ్మదిగా ఉన్నది, భయమేమియులేదని చెప్పుకొను చుండగా, గర్భిణిస్త్రీకి ప్రసవవేదన వచ్చునట్లు వారికి ఆకస్మికముగా నాశనము తటస్థించును గనుక వారెంత మాత్రమును తప్పించుకొనలేరు౹ సహోదరులారా, ఆ దినము దొంగవలె మీమీదికి వచ్చుటకు మీరు చీకటిలో ఉన్నవారుకారు.౹ మీరందరు వెలుగు సంబంధులును పగటి సంబంధులునై యున్నారు; మనము రాత్రివారము కాము, చీకటివారము కాము.౹ -1 థెస్సలొనీకయులకు 5:1-5

ఈ మాటలు మన కొరకే వ్రాయబడుతున్నవి. లోకములో ఉన్నవారు ఈలాగున అనుకుంటారు. అయితే ఆయనను నిజముగా వెంబడించాలి అనే ఆశ కలిగి వెంబడించేవారికి మాత్రము దేవుని రాకడ గూర్చిన వర్తమానము, సమయము మరుగు చేయబడదు అని చెప్పుచున్నారు.

కావున ఇతరులవలె నిద్రపోక మెలకువగా ఉండి మత్తులముకాక యుందము.౹ నిద్రపోవువారు రాత్రివేళ నిద్రపోవుదురు, మత్తుగా ఉండువారు రాత్రివేళ మత్తుగా ఉందురు.౹ మనము పగటివారమై యున్నాము గనుక మత్తులమై యుండక, విశ్వాస ప్రేమలను కవచము, రక్షణనిరీక్షణయను శిరస్త్రాణమును ధరించుకొందము.౹ -1 థెస్సలొనీకయులకు 5:6-8

వెలుగువారము అంటే దేవునికి సంబంధించినవారము. చీకటివారు అంటే అపవాదికి సంబంధించినవారు. మెలకువ కలిగి ఉండుట అంటే, దేవుని సంబంధినవడిని నేను అని స్పృహలో జీవించేవాడు. మత్తుగా ఉండువాడు అంటే, దేవునికి సంబంధించినవారము అనే సత్యమును గ్రహించక అపవాదికి సంబంధిన దాడులు జరుగుతున్నప్పటికీ ఏమి పట్టించుకోని స్థితిలో ఉన్నావాడు.

మనము నివసించే కాలనీలలో దొంగలు పడుతున్న సమయములలో, కర్రలు దగ్గర పెట్టుకుని, మెలుకువగా కొంతమంది కలిసి కాపలా ఉండేవారు కదా! అలాగే మనము కూడా మన జీవితము సాతాను దాడికి లోనవకుండునట్లు మెలకువ కలిగి నిలబడాలి. అందుకే ఎఫెసీయులకు వ్రాసిన పత్రిక లో ఈలాగు వ్రాయబడింది –

అందుచేతను మీరు ఆపద్దినమందు వారిని ఎదిరించుటకును, సమస్తము నెరవేర్చినవారై నిలువబడుటకును శక్తిమంతులగునట్లు, దేవుడిచ్చు సర్వాంగ కవచమును ధరించుకొనుడి౹ -ఎఫెసీయులకు 6:13

ఆపద్దినమునందు నిలబడాలి అంటే దేవుడిచ్చే సర్వాంగ కవచమును ధరించుకోవాలి అని వ్రాయబడింది.

మేము శరీరధారులమై నడుచు కొనుచున్నను శరీరప్రకారము యుద్ధముచేయము.౹ మా యుద్ధోపకరణములు శరీరసంబంధమైనవి కావుగాని, దేవుని యెదుట దుర్గములను పడద్రోయజాలినంత బలము కలవై యున్నవి.౹ -2 కొరింథీయులకు 10:3-4

మన ఎదుట ఏమి ఉన్నా సరే వాటిని పడగొట్టే బలము కలిగినవిగా దేవుడు మనకు ఇచ్చిన సర్వాంగకవచము ఇవ్వబడింది. ఈలోకములో అనేకమైన మాటలు, మన విశ్వాసమును చెడగొట్టేవిధముగా అనేకమైన మాటలు వినబడుతుంటాయి గనుక మనము జాగ్రత్త కలిగి ఉండాలి. దేవుని వాక్యమునకు వ్యతిరేకముగా ఎవరు మాట్లాడుతున్నప్పటికీ అవి అపవాదిచేత ప్రేరేపించబడినవే అని మనము గ్రహించాలి.

గనుక మన విశ్వాసమును బలహీనము కాకుండా జాగ్రత్త పడాలి. మాటల చేతకానీ, పరిస్థితుల చేతగానీ మన విశ్వాసము నష్టపరచడానికి అపవాది ఎంతో ప్రయత్నిస్తాడు.

మేము వితర్కములను, దేవునిగూర్చిన జ్ఞానమును అడ్డగించు ప్రతి ఆటంకమును పడద్రోసి, ప్రతి ఆలోచనను క్రీస్తుకు లోబడునట్లు చెరపెట్టి౹ మీరు సంపూర్ణ విధేయతను కనుపరచినప్పుడు సమస్తమైన అవి ధేయతకు ప్రతిదండనచేయ సిద్ధపడి యున్నాము.౹ -2 కొరింథీయులకు 10:5-6

మేము వితర్కములను, దేవునిగూర్చిన జ్ఞానమును అడ్డగించు ప్రతి ఆటంకమును పడద్రోసాము అని పౌలు చెప్పుచున్నాడు. అంతే కాక, ప్రతి ఆలోచనను క్రీస్తుకు లోబడునట్లు చెరపెట్టాము అని చెప్పుచున్నాడు.

రాజుల చేతనైనను, మనుష్యుల చేతనైనను రక్షణ కలుగదు, ఎవరికైతే యాకోబు దేవుడు సహాయకుడిగా ఉంటాడో వారు ధన్యులు అనే మాట పట్టుకుని నిలబడుతున్న సమయములో, మనుష్యులతో సంబంధము లేకుండా ఎలా జరుగుతుంది అనే ఆలోచన పుడుతుంది. మానవ ప్రయత్నము చెయ్యాలి కదా అనే ఆలోచన పుడుతుంది. అయినప్పటికీ, ఆ మాటలకు తలవంచకుండా, ఆ ఆలోచనలను క్రీస్తు వద్దకు తీసుకువచ్చి ఆ ఆలోచనలను చెరబట్టాలి అని అర్థము. అనగా వచ్చిన వ్యతిరేకమైన మాటకు వ్యతిరేకముగా క్రీస్తు నామములో ప్రకటించి నిలబడటమే!

అయితే దేవుని యొక్క వాక్కు మన జీవితములలో నెరవేరబడటానికి ఖచ్చితముగా దేవునికి అనుకూలముగా ఉండాలి. అనగా వాక్యము చెప్పుచున్న ప్రకారముగానే జీవించాలి. ఆ ప్రకారముగా లేకుండా మనము ఎంత ఎదురుచూసినా దేవుని వాక్కు యొక్క నెరవేర్పు చూడలేము.

యాకోబు ఇశ్రాయేలుగా మార్చబడినవాడు. అలా మార్చబడిన తరువాత యాకోబు జీవితము ఎంతో మారింది. యాకోబుగా తన అన్నవద్దకు వెళితే చంపబడేవాడిగా ఉన్నాడు. అయితే ఇశ్రాయేలుగా మారినతరువాత తన అన్నను ఎదుర్కొన్నప్పుడు దయ చూపించబడ్డాడు. ఎందుకంటే, ఇక పాత యాకోబుగా కనబడనివ్వట్లేదు దేవుడు, దేవుని సహాయము యాకోబుకు అందించబడించి.

మన జీవితములో అటువంటి అనుభవము పొందుకోవాలి అంటే, మనము కూడా దేవుడు నివాసము ఉండులాగున మనలను సిద్ధపరచుకోవాలి. అప్పుడు నీ నిరీక్షణ నిన్ను సిగ్గుపడనివ్వదు. మనము అంత్య ఘడియలలో ఉన్నాము అనే సంగతి ఎరిగి, మన జీవితమును చక్కపరచుకోవాలి.

అందుచేతను మీరు ఆపద్దినమందు వారిని ఎదిరించుటకును, సమస్తము నెరవేర్చినవారై నిలువబడుటకును శక్తిమంతులగునట్లు, దేవుడిచ్చు సర్వాంగ కవచమును ధరించుకొనుడి౹ -ఎఫెసీయులకు 6:13

సమస్తమును నెరవేర్చిన వారు అంటే, దేవుడు ఏమి చెప్పారో ఆ ప్రకారముగా మన జీవితములో నెరవేర్చిన వారు. అలా ఎలా నిలబడగలము అంటే,

ఏలాగనగా మీ నడుమునకు సత్యమను దట్టి కట్టుకొని నీతియను మైమరువు తొడుగుకొని౹ పాదములకు సమాధాన సువార్తవలననైన సిద్ధమనస్సను జోడుతొడుగుకొని నిలువబడుడి.౹ ఇవన్నియుగాక విశ్వాసమను డాలు పట్టుకొనుడి; దానితో మీరు దుష్టుని అగ్నిబాణములన్నిటిని ఆర్పుటకు శక్తిమంతులవుదురు.౹ మరియు రక్షణయను శిరస్త్రాణమును, దేవుని వాక్యమను ఆత్మ ఖడ్గమును ధరించుకొనుడి.౹ ఆత్మ వలన ప్రతి సమయమునందును ప్రతి విధమైన ప్రార్థనను విజ్ఞాపననుచేయుచు, ఆ విషయమై సమస్త పరిశుద్ధుల నిమిత్తమును పూర్ణమైన పట్టుదలతో విజ్ఞాపనచేయుచు మెలకువగా ఉండుడి.౹ -ఎఫెసీయులకు 6:14-18

సర్వాంగ కవచము ధరించుటతోపాటు, మెలకువ కలిగి ఉండుట ఎంతో ప్రాముఖ్యము. నడుమునకు సత్యము అనే దట్టీ కట్టుకొని ఉండుట ఎందుకు? మనము జారిపోకుండా నిలబడాలి అంటే, దేవుని సత్యము మీద ఆధారపడినప్పుడే. ఎలా అయితే దట్టీ కట్టినప్పుడు మన వస్త్రములు జారకుండా ఉంటాయో, దేవుని సత్యమును ఆధారము చేసుకున్నప్పుడు మనము కూడా జారకుండా ప్రతి పరిస్థితులలో నిలబడగలుగుతాము. ఈరోజు మనము తెలుసుకున్న సత్యము, “మన దేవుడు తరములన్నిటిలో రాజ్యము చేయువాడు”. ఆ సత్యములో మనము నిలబడాలి.

పాదములకు సమాధాన సువార్తవలననైన సిద్ధమనస్సను జోడుతొడుగుకొని నిలువబడుడి. యుద్ధములో చెప్పులు ఎందుకు వాడతాము అంటే యుద్ధభూమిలో అటు ఇటు తిరగవలసిన ప్రతి పరిస్థితిలో మన కాళ్ళు గాయపడకుండా నిలబడటానికి. అనగా మనము కూడా సువార్త వలన మనకు నిలబడే సిద్ధమనస్సు కలుగుతుంది. ఆ సిద్ధమనస్సుతో దేవుని సత్యములో నిలిచి వుండుట అని అర్థము.

ఇవన్నియుగాక విశ్వాసమను డాలు పట్టుకొనుడి; దానితో మీరు దుష్టుని అగ్నిబాణములన్నిటిని ఆర్పుటకు శక్తిమంతులవుదురు. అపవాది ఖచ్చితముగా తన బాణములు మన ప్రతీ పరిస్థితులలో వేస్తుంది. అయితే దేవుని వాక్యమునందు విశ్వాసముతో నిలబడినప్పుడు ఆ బాణములు ఏమీ చేయలేవు.

మరియు రక్షణయను శిరస్త్రాణమును, దేవుని వాక్యమను ఆత్మ ఖడ్గమును ధరించుకొనుడి. మనము విశ్వాసము చేత అపవాది ప్రయత్నములను అడ్డగించినప్పటికీ, వేరే విధానములో ప్రయత్నించే అవకాశము ఉంది గనుక రక్షణ అనే శిరస్త్రాణము మనము ధరించి, అపవాదిని ఎదుర్కోవడానికి వాక్యమును ఖడ్గముగా మనము కలిగి ఉండాలి.

ఆత్మ వలన ప్రతి సమయమునందును ప్రతి విధమైన ప్రార్థనను విజ్ఞాపననుచేయుచు, ఆ విషయమై సమస్త పరిశుద్ధుల నిమిత్తమును పూర్ణమైన పట్టుదలతో విజ్ఞాపనచేయుచు మెలకువగా ఉండుడి. అనగా పరిశుద్ధాత్ముడు మనకు మార్గదర్శకుడుగా ఉంటాడు గనుక, ఆయన చెప్పినట్లుగా మనము ప్రార్థన, విజ్ఞాపనలలో మనము పట్టుదల కలిగి మెలకువగా ఉండాలి అని వ్రాయబడింది. అంతేకాక పరిశుద్ధాత్ముడు మనము అనేకమైన మర్మములు మనకు తెలియచేసేవాడుగా ఉన్నాడు. మనము చేసే పోరాటములలో ఎలా అపవాదిని ఎదుర్కోవాలో పరిశుద్ధాత్ముడే మనకు మార్గము చూపిస్తాడు.

ఈ సర్వాంగ కవచము ధరించుకుని మెలకువగా ఉండాలి. కావున ఇతరులవలె నిద్రపోక మెలకువగా ఉండి మత్తులముకాక యుందము.౹ -1 థెస్సలొనీకయులకు 5:6. అప్పుడు శత్రువు నీ జోలికి రావడానికి అవకాశమే లేదు. గనుక అంత్య దినములలో మనకు ఇవ్వబడిన రక్షణ కాపాడుకుందాము. విశ్వాసములో బలహీనముగా ఉంటే, విశ్వాసములో బలముగా ఉందాము. దేవుని కొరకైన కార్యములలో సిద్ధమనసు కలిగి ఉందాము. మనదేవుడు సర్వశక్తి గల దేవుడు గనుక మన జీవితములలో విజయమే