05-02-2023 ఆదివారం రెండవ ఆరాధన – సమయము అయిపోయిందా

Main message| మెయిన్ మెసేజ్

ఈరోజు మన ధ్యానాంశము “సమయము అయిపోయిందా?”. ఈ సమయమును గూర్చి చాలమంది ఆందోళనతో ఉంటున్నారు. అయితే ఎవరు అందోళణతో ఉండాలి? ఎవరు అందోళణతో ఉండకూడదు అని గ్రహించాలి.

యేసు ఆ సంగతి విని దోనె యెక్కి, అక్కడనుండి అరణ్యప్రదేశమునకు ఏకాంతముగా వెళ్లెను. జనసమూ హములు ఆ సంగతి విని, పట్టణములనుండి కాలినడకను ఆయనవెంట వెళ్లిరి – మత్తయి 14:13.

యేసు అరణ్య ప్రదేశమునకు వెళ్ళారు. ఆ విషయము తెలిసిన జన సమూహములు కూడా ఆయనను వెంబడించి వెళ్ళారు. ఉదయము నుండి రాత్రివరకు వాళ్ళు అక్కడే ఉన్నారు.

సాయంకాలమైనప్పుడు శిష్యులాయనయొద్దకు వచ్చిఇది అరణ్యప్రదేశము, ఇప్పటికే ప్రొద్దుపోయెను, ఈ జనులు గ్రామములలోనికి వెళ్లి భోజనపదార్థములు కొనుక్కొనుటకై వారిని పంపివేయమని చెప్పిరి – మత్తయి 14:15.

వాళ్ళున్నది అరణ్యప్రదేశము. అప్పటికే పొద్దుపోయెను. ఈ మాటలు శిష్యులు యేసయ్యతో చెప్పడానికి కారణము, వారున్న అరణ్య ప్రదేశములో భోజనము ఉండదు కాబట్టి, వారు పట్టణముకు వెళ్ళి భోజన పదార్థము కొనుక్కోవడానికి వారు వెళ్ళాలి. పొద్దు పోయాక, అనగా సమయము అయిపోయాక వారు వెళితే ఏమి జరుగుతుంది? శిష్యుల యొక్క ఉద్దేశ్యము ఏమిటి? అసలే ప్రొద్దు పోయింది. అరణ్య ప్రదేశము క్షేమము కాదు. సమయము అయిపోయాక వారు వెళితే వారు కష్టపడాలి.

మన జీవితాలలో చూస్తే, అరణ్య ప్రదేశము అనగా ఏ సహాయము అందించబడలేని పరిస్థితి. ఆ పరిస్థితిని మార్చుకోవడానికి ప్రయత్నము చేసినా సరే సఫలము కావట్లేదు, పైగా సమయము అయిపోతుంది. అయితే మనము జ్ఞాపకము చేసుకోవలసినది ఎమిటి అంటే, యేసయ్య దగ్గర ఉన్నారు.

యేసువారు వెళ్లనక్కరలేదు, మీరే వారికి భోజనము పెట్టుడని వారితో చెప్పగా – మత్తయి 14:16.

శిష్యులు జనులు భోజన పదార్థములు కొనుక్కోవటానికి పంపివేయమన్నారు అయితే యేసయ్య వారికి భోజనమే పెట్టమన్నారు.

దప్పిగొనినవారలారా, నీళ్లయొద్దకు రండి రూకలులేనివారలారా, మీరు వచ్చి కొని భోజనము చేయుడి. రండి, రూకలు లేకపోయినను ఏమియు నియ్యకయే ద్రాక్షారసమును పాలను కొనుడి – యెషయా 55:1

యేసు దగ్గర ఉన్న జనములకు, ఇక్కడ యెషయాలో చూసిన జనములకు ఏమిటి తేడా? యెషయాలో చూసిన గుంపును రమ్మని పిలుస్తున్నాడు. అయితే యేసయ్య దగ్గర ఉన్న గుంపు, ఆయనను అంగీకరించి ఆయన దగ్గర ఉన్నారు. కాబట్టి వారికి ఒక ధన్యత ఉంది. శిష్యులు వట్టినే యేసయ్యను అడిగి ఉంటారా? ఎవరి దగ్గరో ఆకలి ప్రభావమును చూసినవారై శిష్యులు గమనించి చెప్పి ఉంటారు కదా!

నీవు కూడా నీలో ఉన్న పరిస్థితుల ప్రభావము చేత నీరసముగా కనబడుతున్నావేమో, నీవు కనబడుతున్న ప్రభావమును బట్టి ఆయన స్పందిస్తున్నాడు.

కాబట్టి ఏమి తిందుమో యేమి త్రాగుదుమో యేమి ధరించు కొందుమో అని చింతింపకుడి; అన్యజనులు వీటన్నిటి విషయమై విచారింతురు – మత్తయి 6:31

యేసయ్యను ఎరగక ముందు నీవు వీటిగురించి విచారించావు. అయితే ఇప్పుడు నీవు యేసయ్యను అంగీకరించి ఆయన వద్ద ఉన్నావు. ఇప్పుడు వాటి గురించి విచారించకూడదు.

ఆయన మిమ్మునుగూర్చి చింతించుచున్నాడు గనుక మీ చింత యావత్తు ఆయనమీద వేయుడి. 1 పేతురు 5:7.

దేవుని ఎరగని వాడు చింతపడతాడు. అయితే దేవుని ఎరిగిన వాడికొరకు దేవుడే చింతపడతాడు కనుక వాడిక చింతపడనవసరము లేదు. నిజముగా నీవు నేను ధన్యులమే. చింతించేవాడు అనగా నీవు పడే బాధను ఆయనదిగా స్వీకరించేవాడు.

ఇవన్నియు మీకు కావలెనని మీ పరలోకపు తండ్రికి తెలియును. – మత్తయి 6:32

నీవు కృంగిపోతున్నావు, నీరసించిపోతున్నావు, ధనము లేదు, సమయము లేదు! అయితే నీవు ఎక్కడున్నావు? ఎవరితో ఉన్నావు? అది నీవు ఎరగగలిగితే.

హాగరు జీవితములో, ” ఎక్కడుంచి వచ్చావు? ఎక్కడికి వెళుతున్నావు?” అని దేవదూత ద్వారా ప్రభువు అడిగాడు. అయితే నీవు ఉన్నది యేసయ్య దగ్గర.

ఒకవేళ జనులు కొనుక్కోవడానికి వారి వారి గ్రామాలలోనికి వెళుతున్నారు అనుకోండి. దారిలో రాయి ఉందో, ముల్లు ఉందో ఏమి ఉందో తెలీదు. అంటే నీ భవిష్యత్తు ఎరిగిన దేవుడు నీ క్షేమము కోరుకునే దేవుడు. అందుకే నీవు ఉన్నది ఎక్కడ అని నీవు ఎరగాలి. అయితే నీ యేసయ్య ఎటువంటివాడు, ఆయన మనసేమిటి అని అర్థము చేసుకోవాలి.

మనము దేవునితో ఉన్నవారము. మన పరిస్థితులలో సమయము అయిపోతుంది. ఉన్నదానిలోనే నీవు ప్రయత్నిస్తూ వెళుతున్నావు, అయితే నీవు వెళుతున్నది చీకటిలో! అనగా ఏ దారీ తెలియని పరిస్థితి. నీవు నష్టపడతావు, చీకటిలో చిక్కుబడతావు. అయితే నిన్ను పోగొట్టుకోవడం, నీవు నష్టపడటము నీ యేసయ్యకు ఇష్టములేదు.

వారు ఇక్కడ మనయొద్ద అయిదు రొట్టెలును రెండు చేపలును తప్ప మరేమియు లేదని ఆయనతో చెప్పిరి – మత్తయి 14:17

అక్కడ అయిదువేల మంది ఉన్నారు. అయితే యేసయ్య మాట్లాడుతున్నప్పుడు ఒకడు వెళ్ళి జనముల దగ్గర ఎమైనా తినడానికి ఏమైనా ఉందా అని అడిగాడు. అలా వెతికినప్పుడు ఒకడి దగ్గర దొరికింది. అయితే భోజనము సిద్ధపరచినతరువాత, అయిదు రొట్టెలు ఇచ్చినవాడితో పాటు, ఏమీ లేని వాడు కూడా భోజనము చేసాడు.

జనులకు ఆకలవుతుంది, తినడానికి ఏమీ లేదు. వారు యేసయ్య దగ్గర ఉన్నారు. వారందరూ పంక్తిలో కూర్చున్నారు. వారందరికీ భోజనము సిద్ధపరచబడింది. అయితే ఎలా సిద్ధపరచబడింది? అది అద్భుతము. వారు అద్భుతము పొందుకున్నారు.

నీ జీవితములో సహాయము లేని పరిస్థితిలో ఉన్నావు. అయితే నీ దగ్గర వనరులేమీ లేవు. అయినా సరే నీవు కూడా భోజన పంక్తిలో కూర్చో, ఎందుకంటే నీ కొరకు అద్భుతాన్ని దేవుడు సిద్ధపరచాడు.

అప్పుడు రాజు తన కుడివైపున ఉన్నవారిని చూచినా తండ్రిచేత ఆశీర్వదింపబడినవార లారా, రండి; లోకము పుట్టినది మొదలుకొని మీకొరకు సిద్ధపరచబడిన రాజ్యమును స్వతంత్రించుకొనుడి. మత్తయి 5:34

కుడివైపున ఉన్నవారికి మాత్రమే ఈ అవకాశము. అనగా ఎవరైతే యేసయ్యను అంగీకరించినవారికి మాత్రమే ఈ అవకాశము. లోకము పుట్టినది మొదలుకొని మీ కొరకు సిద్ధపరచబడిన రాజ్యమును స్వతంత్రించుకొనుడి అని ఆహ్వానము ఇవ్వబడుతుంది. దేవుడు సిద్ధపరచబడినది నీ వద్దకే వస్తుంది. యేసయ్యను అంగీకరించిన నీ ధన్యత ఇదే. నీ ఆశీర్వాదము నీదే. అది ఎలా సిద్ధపరచబడుతుందో నీకు అనవసరము. ఆయన ఏది సిద్ధపరచేనో అది కంటికి కనపడదు, చెవికి వినబడదు, హృదయమునకు గోచరముకాదు.

నీవు యేసయ్య దగ్గర ఉన్నావో లెదో ఎలా పరీక్షించుకోవాలి? “నా గొఱ్ఱలు నా స్వరము వినును, నేను వాటి నెరుగుదును, అవి నన్ను వెంబడించును – యోహాను 10: 27”.