15-01-2023 ఆదివారం రెండవ ఆరాధన – ఆయన సిద్ధముగా ఉన్నాడు

Main message| మెయిన్ మెసేజ్

దేవుని సన్నిధిలో చిన్నపిల్లల వలే ఉత్సాహముతో ఉండాలి. దేవుని సన్నిధిలో సిగ్గుపడితే ఏమీ పొందుకోలేము. నీ దేవుడు నీకొరకు సిద్ధముగా ఉన్నాడు. మరి నీవు సిద్ధముగా ఉన్నావా?

ఇదిగో నేను తలుపునొద్ద నిలుచుండి తట్టుచున్నాను. ఎవడైనను నా స్వరము విని తలుపుతీసిన యెడల, నేను అతనియొద్దకు వచ్చి అతనితో నేనును, నాతోకూడ అతడును భోజనము చేయుదుము 3:21.

మూయబడిన ద్వారము దగ్గర యేసయ్య నిలబడి ఉన్నాడు. అక్కడ నిలబడి తలుపు తడుతూ ఉన్నాడు. ఎందుకు? లోపలికి ప్రవేశించడానికి. అయితే తలుపు తీయబడాలి. నీ జీవితములో కార్యము జరిగించడానికి దేవుడు సిద్ధముగా ఉన్నాడు. అయితే నీ తలుపు మూయబడి ఉన్నది. అయితే ఆయన వెళ్ళిపోవట్లేదు. ఇంకా నుంచుని తలుపు తడుతూనే ఉన్నాడు. అయితే ఈరోజు ఆ తలుపులు గురించి తెలుసుకుందాం.

మార్త యేసు వచ్చుచున్నాడని విని ఆయనను ఎదుర్కొన వెళ్లెనుగాని మరియ యింటిలో కూర్చుండి యుండెను. మార్త యేసుతోప్రభువా, నీవిక్కడ ఉండినయెడల నా సహోదరుడు చావకుండును. ఇప్పుడైనను నీవు దేవుని ఏమడిగినను దేవుడు నీకను గ్రహించునని యెరుగుదుననెను. యోహాను 11: 20-23.

లాజరు రోగిగా ఉన్నప్పుడు యేసయ్య వద్దకు వర్తమానము పంపినారు. యేసయ్య లాజరును ప్రేమించాడు. అయితే రోగిగా ఉన్న లాజరు చనిపోయి సమాధి చేయబడి ఉన్నాడు. దానిని బట్టి లాజరు విషయములో మార్త,మరియల హృదయపు తలుపులు మూయబడి ఉన్నాయి. అయితే ఆ తలుపులు యేసయ్య తలుపులు తడుతున్నాడు. నీ జీవితములో కూడా ఆశీర్వాదమును ఇవ్వడానికి సిద్ధముగా ఉన్నాడు అయితే నీవు నీ తలుపులు తడుతున్నాడు. మన జీవితములో వెయ్యబడిన తలుపు ఎలా తీయాలో సిద్ధపడదాము.

అద్భుతమును జరుగకుండా ఆపివేసే మూయబడిన తలుపు ఏమిటి అంటే, బోధ. మార్త మరియలకు కూడా యేసయ్య బోధ చేసాడు. ఖచ్చితముగా పరలోకరాజ్యమును గూర్చిన సువార్త ఆయన బోధించే ఉంటాడు.

మార్త ఆయనతో అంత్య దినమున పునరుత్థానమందు లేచునని యెరుగుదుననెను – యోహాను 11:24.

ఆమె విన్న బోధ ప్రకారము పునరుత్థాన దినమునులో జరుగుతుంది అని నమ్మింది కానీ, ఇప్పుడే జరుగుతుంది అని నమ్మి తలుపు తియ్యలేకపోతుంది. ఈరోజు నీ జీవితములో 31 తారీఖున ఇచ్చిన ప్రవచనాత్మక వాగ్దానము నెరవేరుతుంది. ఇప్పుడు ఆ ఆశీర్వాదము నీ జీవితములో నెరవేరకుండా నీ మనస్సులో అనేకమైన ఆలోచనల ద్వారా మూసిన తలుపులు తీసి ఆశీర్వాదమును పొందుకోండి.

ఇది అసాధ్యము అనే బోధ(నియమము) నుండి బయటకు వచ్చి దేవునికి సమస్తము సాధ్యమే అని నమ్ముదాము.

మార్త యేసుతోప్రభువా, నీవిక్కడ ఉండినయెడల నా సహోదరుడు చావకుండును అని చెప్పుతుంది, అంటే లాజరు చనిపోకముందు యేసయ్య వచ్చి ఉంటే బ్రతికేవాడు అని నమ్మింది. అయితే ఇప్పుడు చనిపోయాడు గాబట్టి ఇంక అది అసాధ్యము అని తలుపు మూసింది. మన జీవితములో చూస్తే, నీ కళ్ళముందు కనబడితే నమ్మి తలుపు తీస్తావు గానీ, నీ కళ్ళముందు కనబడకపోతే నీవు కూడా ఇంక అయిపోయింది అనే ఆలోచన ప్రకారము తలుపులు మూసేవాడివిగా ఉండిపోతున్నావు. అయినప్పటికీ యేసయ్య తలుపు తడుతున్నాడు.

యేసు రాయి తీసివేయుడని చెప్పగా చనిపోయినవాని సహోదరియైన మార్తప్రభువా, అతడు చనిపోయి నాలుగు దినములైనది గనుక ఇప్పటికి వాసనకొట్టునని ఆయనతో చెప్పెను. అందుకు యేసు నీవు నమి్మనయెడల దేవుని మహిమ చూతువని నేను నీతో చెప్పలేదా అని ఆమెతో అనెను; – యోహాను 11:39-40.

మళ్ళీ యేసయ్య తలుపును తడుతున్నాడు. అయితే ఇంకా మార్త హృదయపు తలుపులు తీయబడలేదు. ఎందుకంటే చనిపోయినవాడు లేవడము అసాధ్యము అని ఆమె అనుకుంటుంది. నీ జీవితములో ముగించబడినదైనా ప్రభువు తలుపు తడుతుంటే ఇకముందు నీ హృదయపు తలుపులు తీసి ఆహ్వానించు. నీ జ్ఞానము చేత తలుపులు మూయకు.

అయితే ప్రభువుకు తాను ఏమి చేస్తున్నాడో ఆయన ఎరిగే ఉన్నాడు. నీవు నమ్మవలసినది ఏమిటి అంటే, ఆయన ప్రయత్నిస్తూనే ఉంటున్నాడు. ఈ సత్యమును నీవు గ్రహించాలి.

ఇప్పుడు వేరే వ్యక్తిని మనము చూద్దాము.

యాకోబు తన కుమారుడైన యోసేపుకిచ్చిన భూమి దగ్గరనున్న సమరయలోని సుఖారను ఒక ఊరికి వచ్చెను – ఆ సమరయ స్త్రీయూదుడ వైన నీవు సమరయ స్త్రీనైన నన్ను దాహమునకిమ్మని యేలాగు అడుగుచున్నావని ఆయనతో చెప్పెను. ఏలయనగా యూదులు సమరయులతో సాంగత్యము చేయరు. యోహాను 4:5, 9.

ఇక్కడ ఆమె దగ్గరకు వచ్చిన ఆయన ఎవరు అని అమెకు తెలియదు. అయితే యేసయ్య ఆమెను తడుతున్నాడు.

అందుకు యేసునీవు దేవుని వరమునునాకు దాహమునకిమ్మని నిన్ను అడుగుచున్నవాడెవడో అదియు ఎరిగియుంటే నీవు ఆయనను అడుగుదువు, ఆయన నీకు జీవజల మిచ్చునని ఆమెతో చెప్పెను – యోహాను 4:10.

ప్రతిసారీ ఆమె వేసే ప్రశ్నల ద్వారా ఆమె హృదయపు తలుపులు మూయబడి ఉన్నాయి అని ఆమె కనుపరచింది. ఆమె పాత కాలములో ప్రవక్తల ద్వారా మాట్లాడాడు గనుక ఇప్పుడు ప్రవక్త లేడు అని అనుకుంటుంది. అయితే యేసయ్య ప్రతిసారీ ఆమె హృదయపు తలుపు తడుతూనే ఉన్నాడు.

మనము అడిగినది నెరవేర్చడానికి ఆయన తలుపు తడుతున్నాడు. నీవు ఊహించనిది అయినప్పటికీ ఆయన సిద్ధపరచినది జరిగించడానికి ఆయన తలుపు తడుతున్నాడు. అయితే ఆయన తలుపు తట్టడానికి ఉద్దేశ్యము ఏమిటి? దెవుని చిత్తము నెరవేరడానికి. ప్రభువు పునరుత్థానము కొరకై లాజరు జీవితములో అద్భుతము జరిగించి మనుష్యకుమారుని మూడు దినములైన తరువాత పునరుత్థానము కొరకు సిద్ధపరచాడు. అలాగే అనేకులు రక్షణ పొందులాగున సమరయ స్త్రీతో మాట్లాడాడు.

ఈరోజు నీవు పరీక్ష చేసుకో ఎక్కడ నీ తలుపులు మూసావు? నీ జ్ఞానమును బట్టి నీవు మూసేసావేమో, నీకు తెలిసిన బోధను బట్టి నీవు మూసేసావేమో. ఈరోజైనా ఈ మాటలు విన్న నీవు ఈరోజు నీ తలుపులు తీస్తావా? దేవుని తో చెప్తావా? అయ్యా నీ మాట ప్రకారము నా జీవితములో జరుగును గాక అని చెప్తావా?