01-01-2023 నూతన సంవత్సరపు మొదటి ఆరాధన – వాగ్దానమును స్వతంత్రించుకొనుట

New year message| వాగ్దానము యొక్క సిద్ధపాటు కొరకై వర్తమానము

ఈ విధముగా దేవుడు తన సంకల్పము నిశ్చలమైనదని ఆ వాగ్దానమునకు వారసులైనవారికి మరి నిశ్చయముగా కనుపరచవలెనని ఉద్దేశించినవాడై, తాను అబద్ధమాడజాలని నిశ్చలమైన రెండు సంగతులనుబట్టి, మనయెదుట ఉంచబడిన నిరీక్షణను చేపట్టుటకు శరణాగతులమైన మనకు బలమైన ధైర్యము కలుగునట్లు ప్రమాణము చేసి వాగ్దానమును దృఢపరచెను. – హెబ్రీ 6:17

ఈ వాక్యము వాగ్దానమునకు వారసులైన వారికి మాత్రమే చెందినది. ఇశ్రాయేలు ప్రజలందరికీ ఐగుప్తులో ఉన్నప్పుడు వాగ్దానము చేసాడు కానీ కొందరే స్వతంత్రించుకున్నారు. పై వాక్యము యొక్క అర్థము ఏమిటి అంటే, ఖచ్చితముగా ఆయన వాగ్దానమునకు వారసులైన మీ జీవితములో ఆ వాగ్దానము నెరవేర్చాలి అని తీర్మానము చేసుకున్నాడు అని.

దానికొరకు ఆయన రెండు విషయాలను సూచనగా ఉంచాడు.

శరణాగతులమైన మనము అనగా నిస్సహాయస్థితిలో సహాయము కొరకు ఎదురు చూసేవారు. అయితే నీ స్థితిలో ఒక వాగ్దానము చేస్తున్నాడు. అది నిశ్చయమైన వాగ్దానము. అయితే అది ఎలా స్వతంత్రించుకోవాలి అనేదానికొరకు ఒక నియమము ఉంది. వాగ్దానమునకు వారసులుగా ఉండుట అనేది.

మన పితరుల జీవితములో చూస్తే, వారు దేవుని యొక్క శక్తిని ఎరగని వారుగా ఉండిన కారణముచేత వారు వాగ్దానమును స్వతంత్రించుకోలేకపోయారు, సణుగుకునేవారుగా ఉన్నారు.

మనము వాగ్దానమును స్వతంత్రించుకోవాలి అంటే, మొదటిగా దేవుని శక్తిని ఎరగి నిరీక్షణ కలిగి ఉండాలి. రెండవదిగా సణుగుకోకూడదు. మన నోటి మాటచేత మన ఆశీర్వాదమును పోగొట్టుకొనేవారముగా ఉంటాము అయితే జీసస్ కేర్స్ యూ లో ఉన్న మనము అలా ఉండకూడదు. మన జీవితములో ఆశీర్వాదములు ఆలస్యమవ్వడానికి కారణము వాగ్దానము చేసినవాడు నమ్మదగినవాడు అని ఎరగక, ఆయనను నమ్మకపోవడమే. ఒక్కొక్కసారి నీ విశ్వాసమును పరీక్షించడానికి దేవుడు ఆలస్యము చెయ్యవచ్చు కూడా. అయినప్పటికీ నీ దేవుడు నిన్ను ఆశీర్వదించుకోవడానికి సంకల్పించుకున్నాడు అని మీరు నమ్మి ముందుకు సాగటమే.

ఈ సంవత్సరము మీదే అంటే ఏమిటి? నీవు ఏదైతే అనుకుంటున్నావో? నీవు ఎలా ఉండాలి అనుకుంటున్నావో? అనగా నీ హృదయవాంఛలు అన్నీ కూడా నెరవేర్చువాడు. ఈ సంవత్సరము అంతా కూడా నీవు కలిగిఉన్నదానిని బట్టి గాక, దేవుని మాటచేత నెరవేర్చబడతాయి. ఈ సంవత్సరము ఈ దినముతో ప్రారంభమవుతుంది, కనుక దేవుని సన్నిధిని పదే పదే జ్ఞాపకము చేయండి. ప్రభువు ఇచ్చిన మాటను బట్టే ఖచ్చితముగా ఆశీర్వదించబడేవారుగా ఉంటారు. అందుకే ప్రతీ దినమూ నీవిచ్చిన మాటను బట్టి నా జీవితమును ఆశీర్వదించుము అని అడగండి కానీ దయచేసి సణగకండి. దేవుని శక్తిని ఎరిగిన వారుగా ఉండండి. ఒకవేళ నీ నోట నేగటివ్ మాట వస్తుంటే నోరు కట్టుకోండి.

కాలేబు దేవుని యెదుట ఏ విధముగా నడిచాడు? ఆ దినమున మోషే ప్రమాణము చేసినీవు నా దేవుడైన యెహోవాను నిండు మనస్సుతో అనుసరించితివి గనుక నీవు అడుగుపెట్టిన భూమి నిశ్చయముగా నీకును నీ సంతానమునకును ఎల్లప్పు డును స్వాస్థ్యముగా ఉండుననెను – యెహోషువ 14:9. కాలేబు నిండు మనస్సుతో ఎలా అనుసరించాడు అని గమనిస్తే, 12 మంది కానాను దేశాన్ని చూడటానికి వెళ్తే, 10 మంది దేవుని చిత్తానికి వ్యతిరేకముగా మాట్లాడారు గానీ, 2 మాత్రమే దేవుని శక్తిని ఎరిగిన వారుగా దేవునికి అనుకూలమైన మాట మాట్లాడారు. ఒకవేళ నీలో నెగటివ్ ఆలోచన వచ్చినా, నిరీక్షణకు ఆధారము లేనప్పుడు సహితము విశ్వసించినవారుగా ఉండుటను బట్టి మనము ఆ నెగటివ్ ఆలోచనలను జయించగలుతాము.

జీసస్ కేర్స్ యూ లో ఉన్న మనము దేవుని వాగ్దానమును నమ్మే వారుగా ఉండాలి, సణగకూడదు (ఓర్పు లేనప్పుడే సణుగుడు వస్తుంది) అలాగే నీ దేవుడు ఖచ్చితముగా చెయ్యగలడు అని ఆయన శక్తిని నమ్మాలి. నీ దేవుడు 2023 లో నీ జీవితమునకు విశ్రాంతిని కలుగచేస్తాడు అని వాగ్దానము ఇచ్చాడు. ఆ వాగ్దానమును స్వతింత్రించునే సిద్ధపాటు కలిగి, 2023 లో సాక్షులుగా ఉందాము.