31-12-2023 – ప్రవచన పరిచర్య

ప్రవచన పరిచర్య

నీ కన్నులు చూచిన ఆ గొప్ప శోధనలను సూచక క్రియలను మహత్కార్యములను బాహుబలమును, చాచిన చేతిని బాగుగ జ్ఞాపకము చేసికొనుము. నీకు భయము పుట్టించుచున్న ఆ జనులకందరికి నీ దేవుడైన యెహోవా ఆలాగే చేయును – ద్వితీయోపదేశకాండము 7:19

2024 లో దేవుని శక్తి, మహిమ మరియు బాహుబలము పునరావృతము అవుతుంది. ఇంతకుముందు దేవుని బాహుబలము చూసాము అయితే ఆ సూచక క్రియలు, మహత్కార్యములు, బాహూలము, చాచిన చేయి పునరావృతము అవుతుంది

అయితే యాకోబూ, నిన్ను సృజించినవాడగు యెహోవా ఇశ్రాయేలూ, నిన్ను నిర్మించినవాడు ఈలాగు సెల విచ్చుచున్నాడు నేను నిన్ను విమోచించియున్నాను భయపడకుము, పేరుపెట్టి నిన్ను పిలిచియున్నాను నీవు నా సొత్తు – యెషయా 43:1

పేరు పెట్టి నిన్ను పిలిచి ఉన్నాను అని ప్రభువు చెప్పుచున్నాడు. దేనికొరకు చెప్పుచున్నాడు? మనకొరకు సిద్ధపరచబడిన 2024 గురించి మాట్లాడుతున్నాడు. ఈ 2024 నీకొరకు నాకొరకు దేవుని చేత సృజించబడింది, నిర్మించబడింది. దేని చేత నిర్మించబడింది అంటే, తన బాహుబలము, చాచిన చేయి చేత నిర్మించబడింది.

2024 ముగింపు సంవత్సరము. ఇంతవరకు నీవు అనుభవించిన దుఃఖించిన పరిస్థితికి ముగింపు. గనుక “నా దుఃఖము ముగించబడింది, నా శ్రమ ముగించబడింది” అని డిక్లేర్ చేసుకోండి.

ఇశ్రాయేలు ప్రజలు శ్రమలో ఉన్నప్పుడు పాలు తేనెలు ప్రవహించే దేశములోనికి తీసుకువెళతాను అని మాట ఇచ్చాడు. అయితే మోషే ద్వారా ప్రారంభించబడి, యెహోషువ ద్వారా ముగించబడింది. అందుకే ఈ సంవత్సరము యెహోషువ సంవత్సరము గా దేవుడు ముద్రించాడు.

మోషేను దేవుడు ఏర్పరచుకుని కొంత ప్రయాణము కొనసాగింపచేసాడు గానీ ముగించబడలేదు. అనగా దేవుడు ఏ మాట ద్వారా తన వాగ్దానమును ప్రారంభించాడో, అది 2024 ముగింపు గా ఉంటుంది, అది ఇంక కొనసాగించబడదు. ముగింపు ప్రభువు నిర్ణయించాడు. మాటి మాటికి గాయపరచబడుతున్న నీ పరిస్థితికి ముగింపు ప్రభువు నిర్ణయించాడు.

యెహోషువ జీవితము కొనసాగించబడింది, దేని చేత? మోషే తన దగ్గర ఉన్న కర్ర చేత అద్భుతములు చేస్తూ నడిపించాడు. అయితే యెహోషువ కు మాత్రము ధర్మశాస్త్రము ఇచ్చి దాని ద్వారా నడిపించమన్నాడు. అందుకే మందసమును ముందు పెట్టుకుని తన ప్రయాణమును కొనసాగించాడు.

ఐగుప్తు నుండి విడిపించబడిన తరువాత కర్ర ద్వారా ఎర్ర సముద్రమును రెండు పాయలుగా చేసాడు. అయితే యెహోషువ సమయములో నిబంధన మందసము ద్వారా యోర్దానును రెండు పాయలు గా చేసాడు. అనగా దేవుని శక్తి మరలా పునరావృతము అయింది. ఈ సంవత్సరమునకు మనము దేవుని వాగ్దానమును ఆధారము చేసుకోవాలి. ప్రతి నెలా ఇదే వాగ్దానమును ఎత్తిపట్టి కొనసాగించండి.

యెహోషువ దేవుని వాక్కును పట్టుకుని తన ప్రయాణాన్ని కొనసాగించాడు. మనము కూడా దేవుని వాగ్దానమును పట్టుకుని ముందుకు వెళ్ళాలి.

5 రొట్టెలే గానీ, సమృద్ధిగా మార్చబడింది. ఒకే వాగ్దానము 12 నెలల కొరకు ఇవ్వబడింది. ప్రతి నెలలోని 30, 31 రోజులు ఇదే వాగ్దానము స్థిరపరచబడుతుంది.

వారిని నిర్మూలము చేయుడని యెహోవా మోషేకు ఆజ్ఞాపించినట్లు ఇశ్రాయేలీయులు కనికరింపక వారిని నాశనముచేయు నిమిత్తము వారు ఇశ్రాయేలీయులతో యుద్ధము చేయుటకు వచ్చునట్లు యెహోవా వారి హృదయములను కఠినపరచియుండెను – యెహోషువ 11:20

ముందు చెప్పబడ్డ మాటలు నెరవేర్చబడునట్లుగా ఇప్పుడు కార్యము మొదలు అవుతుంది. మోషే సమయములో దేవుడు ఆజ్ఞాపించాడు, అది యెహోషువ సమయములో ముగించబడింది.

ఈ సంవత్సరములో మన జీవితాలలో ఏది ఎదురైనా విజయము నీకొరకే సిద్ధపరచబడింది. ఇదే సత్యము, వాగ్దానమును జ్ఞాపకము పెట్టుకోవడమే! ఎటువంటి నెగటివ్ పరిస్థితి వచ్చినా మనకు వాగ్దానము ఉంది గనుక మనము భయపడనవసరము లేదు.

ఆ కాలమున యెహోషువ వచ్చి మన్యదేశములోను, అనగా హెబ్రోనులోను దెబీరులోను అనాబులోను యూదా మన్యములన్నిటిలోను ఇశ్రాయేలీయుల మన్య ప్రదేశములన్నిటిలోను ఉన్న అనాకీయులను నాశనము చేసెను. యెహోషువ వారిని వారి పట్టణములను నిర్మూలము చేసెను – యెహోషువ 11:20

మోషే సమయములో అనాకీయులను చూసి భయపడ్డారు. అయితే యెహోషువ సమయములో అదే అనాకీయులను చంపివేసినారు. ఈ 12 నెలలో ఏ నెలలో ఎవరు వ్యతిరేకముగా ఉన్నా, పరిస్థితి వ్యతిరేకముగా ఉన్నా అది విజయము పొందలేదు. మీదే విజయము ఇదే ఖచ్చితము. ఇంతకు ముందు మీరు భయపడిన విషయము ఇప్పుడు ముగించబడవలసినదే.

యెహోవా మోషేతో చెప్పినట్లు యెహోషువ దేశ మంతటిని పట్టుకొనెను. యెహోషువ వారి గోత్రముల చొప్పున ఇశ్రాయేలీయులకు స్వాస్థ్యముగా దాని నప్ప గించెను. అప్పుడు యుద్ధములేకుండ దేశము సుభిక్షముగా నుండెను యెహోషువ 11:23

2023 లో మిగల్చబడిన వాగ్దానము అది 2024 లో ముగించబడుతుంది. ఇలా జరుగులాగున దేవుడు నిర్మించేసాడు. ఇంతకు ముందు యుద్ధము చేయునట్లు శత్రువు ఉన్నాడేమో గానీ, 2024 లో శత్రువు అనేవాడు ఉండడు, సమాధానము కలిగిన సంవత్సరము. యేహోవా రాఫా గా స్వస్థత, యెహోవా షమ్మా గా సమాధానము నెరవేరుతుంది.

అనాకీయులను ఇక మీరు చూడరు. 2024 లో పునరావృతము అయేదిగా ఉంది. మోషే ఒక మాట చెప్పాడు – “ఇంతకు ముందు చూసిన ఐగుప్తీయులను ఇంక మీరు చూడరు”. అలాగే యెహోషువ సమయములో, – “ఇంతకు ముందు ఉన్న అనాకీయులను ఇక చూడలేదు”. నీ పడిపోయిన జీవితాన్ని తిరిగి లేవనెత్తుతున్నాడు. అనాకీయులు చాలా ఎత్త్తైనవారు, చాలా బలము కలిగినవారు. అయితే, నిన్ను భయపెట్టినది ఏదైనా సరే ఇక మిగిలి ఉండదు.

“నీకు భయము పుట్టించుచున్న ఆ జనులకందరికి నీ దేవుడైన యెహోవా ఆలాగే చేయును” అనగా నీకు భయము పుట్టిస్తున్న అప్పు అయినా, సమస్య అయినా జనులైనా సరే వారికి నీ దేవుడు అలాగే చేయును. అనగా దేవుని బాహుబలము కనుపరచబడి ఆ పరిస్థితి లయ పరచబడుతుంది.

ఈ 2024 నీ జీవితములో సమాధానము కలుగచేస్తుంది. నీకొరకు 2024 ని నిర్మించాడు గనుక మొదటి నెల నుండి నేను మిస్స్ అవ్వకూడాదు అనే ఆశ నీవు కలిగి ఉండాలి. ఇక్కడ దేవుని బాహుబలము పునరావృతము అయింది.

ద్రాక్షారసమైపోయినప్పుడు యేసు తల్లివారికి ద్రాక్షారసము లేదని ఆయనతో చెప్పగా యేసు ఆమెతో అమ్మా, నాతో నీకేమి (పని)? నా సమయ మింకను రాలేదనెను – యోహాను 2:3-4.

ఇక్కడ మరియ మరియు యేసయ్య ఇద్దరూ కనపరచబడుతున్నారు. ద్రాక్ష రసము అయిపోయింది. మరియకు ఈ విషయము తెలియచేయబడింది. ఆ తరువాత యేసయ్యకు తెలియచేయబడింది. అనగా మరియకు తెలియచేయబడిన సమయములో ద్రాక్షారసము అయిపోయిన స్థితి ఉంది. అయితే యేసయ్య సమయము వచ్చినపుడు ఆ ద్రాక్షరసము నూతనముగా నింపబడింది.

మరియ 2023 లో నీవు ముగించబడని సమస్యను సూచిస్తుంది. యేసయ్య 2024 లో అదే సమస్య ముగించబడేది గా సూచిస్తుంది. సమయము మిస్స్ అయిపోయిందేమో, అద్భుతము మిస్స్ అయింది అని అనుకున్నారేమో, అయితే మరియ వలే నమ్మి ఈ సత్యమును పట్టుకో. ఇంతకు ముందు అద్భుతము జరిగుతుంది అని నమ్మినప్పటికీ జరగనిది లేదా మిస్స్ అయిపోయినది ఇప్పుడు జరుగుతుంది.

సుకన్య సిస్టర్ కొరకు ప్రాఫెసీ: కుసుమ సిస్టర్ జీవితములో ఏ రీతిగా 2023 లో మాట వెల్లడి పరచి స్థిరపరిచాడో అలాగే ఈ సిస్టర్ జీవితములో 2024 లో కూడా 2023 లో ఎదురు చూసిన అద్భుతము జరుగుతుంది.

వరలక్స్మి సిస్టర్ కొరకు ప్రాఫెసీ : కుమారుని జీవితములో అద్భుతము జరుగుంది.

మరియ సమయము, జీసస్ సమయము జాగ్రత్తగా అర్థము చేసుకోవాలి. మరియ సమయము 2023 ఆశించావు కానీ, మిస్స్ అయిపోయావ్. యేసయ్య సమయము 2024, నీవు ఆశించినది ముగించబడుతుంది, లేదా నెరవేరబడుతుంది.

మరియ అద్భుతము జరుగుతుంది అని నమ్మింది అందుకే, అక్కడ పనివారితో యేసయ్య ఎలా చెప్తే అలా చెయ్యమని చెప్పి వెళ్ళిపోయింది. నీవు 2023 లో నమ్మింది 2024 లో సూపర్ నేచురల్ గా నెరవేర్చబడుతుంది. 2024 ఖచ్చితముగా పరిపూర్ణమైన సంవత్సరము. సూచక క్రియ జరిగించబడుతుంది. నీవు నమ్మిన దానికి దేవుడు సూచక క్రియ జరిగిస్తాడు.

దేవమణి సిస్టర్ కొరకు ప్రాఫెసీ : నీ కళ్ళ ముందు దేవుడు జరిగించబోయే క్రియ నీవు చూస్తావు.

2023 లో అనగా మరియ సమయములో ద్రాక్షారసము అయిపోయినప్పుడే ఆ కుటుంబము అవమాన పరచబడాలి. అయితే ఈ అవమానమును తప్పించడానికి అల్రెడీ సమయము సిద్ధపరచబడింది. ఏ అవమానము అయితే జరగవలసిందో, అది తప్పించబడింది. అంతే కాక ఆ కుటుంబానికి మంచి సాక్ష్యము వచ్చింది. ఇది 2024 లో మరలా జరిగించాలి అని ఆశ పడుతున్నాడు. సూచక క్రియల ద్వారా ప్రభువు ముగించాలి అని కోరుకుంటున్నాడు. 2024 సూపర్నేచురల్ జరుగునట్లుగా ఈ సంవత్సరమును నిర్ణయించాడు.

2024 నీ కొరకు ఆయన బాహుబలము చేత, సూచక క్రియల చేత నిర్మించబడి ఉంది.

ఒకదాని చేత ఈ సంవత్సరము నిర్మించబడలేదు గానీ, బాహు బలము, సూచక క్రియలు, చాచిన చేయి, మహత్కార్యములతో నిర్మించబడి ఉంది. ఒక నెల సూచక క్రియ అయితే మరొక నెల బాహుబలము చేత అద్భుతము జరుగుతుంది.

ఈ 12 నెలలు నేను అద్భుతము చూడాలి అనే ఆశ నీవు నేను కలిగి ఉండాలి.

నీ కన్నులు చూచిన ఆ గొప్ప శోధనలను సూచక క్రియలను మహత్కార్యములను బాహుబలమును, చాచిన చేతిని బాగుగ జ్ఞాపకము చేసికొనుము. నీకు భయము పుట్టించుచున్న ఆ జనులకందరికి నీ దేవుడైన యెహోవా ఆలాగే చేయును – ద్వితీయోపదేశకాండము 7:19

మీరు ఇంతకు ముందు చూసినది మరలా ఆయన చేసినవాడుగా ఉన్నాడు.

జి సూజన్: నీవు చూస్తుండగానే దేవుని శక్తి, సూపర్ నేచురల్ శక్తి ద్వారా దేవుని సూచక క్రియలు జరిగించబడతాయి.

2023 లో మీరు ఎదురుచూసిన అద్భుతము 2024 లో ఖచ్చితముగా జరుగుతుంది.

చైతన్య సిస్టర్ కొరకు ప్రాఫెసీ : ఇప్పుడు సూచక క్రియలు జరిగించబడుతాయి. సన్నీ జీవితములో అసాధ్యము అనుకున్నది ఖచ్చితముగా జరుగుతుంది. 2024 లోనే ఇది జరుగుతుంది.

గలిలయలోని కానాలో, యేసు ఈ మొదటి సూచకక్రియను చేసి తన మహిమను బయలుపరచెను; అందువలన ఆయన శిష్యులు ఆయనయందు విశ్వాసముంచిరి. యోహాను 2:11

దేవుడు చేసిన కార్యమును బట్టి అనేకులు విశ్వాసము ఉంచారు. మనము చేసే ప్రార్థనలలో, నూతన చర్చ్ స్వస్థత మరియు అద్భుతములు జరిగే స్థలము గా ఇవ్వబడిన ప్రవచనము కొరకు ప్రార్థిస్తున్నాము. 2024 లో ఆ చర్చ్ కట్టబడుతుంది, సన్నీ జీవితములో 2024 లో అద్భుతము జరిగి, సన్నీ వంటివారు అనేకులు స్వస్థత పొంది దేవుని మహిమపరచేవారుగా ఉంటారు.

2023 లో ఏ అద్భుతము అయితే ఆశించినప్పటికీ జరగలేదో, 2024 లో ముగించబడుతుంది. అది కూడా సూపర్ నేచురల్ గా జరుతుంది.

ఆయన నామమందలి విశ్వాసముమూలముగా ఆయన నామమే మీరు చూచి యెరిగియున్న వీనిని బలపరచెను; ఆయనవలన కలిగిన విశ్వాసమే మీ అందరియెదుట వీనికి ఈ పూర్ణస్వస్థత కలుగజేసెను. అపొస్తలుల కార్యములు 3:16

యెహోవా మా ప్రభువా యేషువా మా రక్షకా! అంటూ ఆయన నామమును పట్టుకునే 2024 లోనికి అడుగు పెట్టాము. అక్కడ బలపరచబడిన వ్యక్తి పుట్టినది మొదలుకొని, కుంటివాడైన ఒక మనుష్యుడు దేవాలయమునకు మోసుకొని పోబడుతున్నాడు. వాడు కలిగి ఉన్న అవిటితనమును బట్టి ప్రతి దినము దేవాలయమునకు నడిపించబడుతున్నాడు. అయితే వాడి జీవితములో ఒక దినము, వాడు ప్రతిదినము వెళుతున్న దేవాలయములోనే వాడికి స్వస్థత పొందాడు.

ఏ అవిటితనమును బట్టి, ఏ అవసరమును బట్టి నీవు దేవునికి మొరపెడుతున్నావో, నీవు పుట్టినది మొదలుకొని నీకు ఉన్న సమస్య కొరకు ప్రతి దినము దేవునికి మొర పెట్టావో, ఆ సమస్య, అవసరము తీర్చబడుతుంది. మీరు చేసే ప్రార్థనకు జవాబు వస్తుంది.

ఆ కుంటివాడి జీవితము ఎలా మార్చబడింది? ఆయన నామమును బట్టి అని లేఖనము చెప్పుచున్నదు. మీకు కూడా ఏ నామము బట్టి మొర్ర పెడుతున్నారో, అదే నామము బట్టి ఆ సమస్య తీర్చబడుతుంది.

పేతురు యోహానులు, అక్కడకు వచ్చారు. వారు ఊరకనే అక్కడకు రాలేదు గానీ దేవుని చిత్త ప్రకారమే అక్కడకు వచ్చారు. ఆ తరువాత అక్కడ ఉన్నవారు రక్షించబడునట్లుగా ఆ కుంటివాడు అద్భుతము పొందుకున్నాడు.

2024 అనేది పరిపూర్ణమైన సంవత్సరము గా నిర్ణయించాడు గనుక మీరు చేసే ప్రార్థనలకు సొల్యూషన్స్ సిద్ధపరచబడ్డాయి.

చంద్రకళ సిస్టర్ కొరకు ప్రాఫెసీ: రెండు సొల్యూషన్స్ నీవు చేస్తున్న ప్రార్థనలకు ఏర్పాటు చేసాడు. ఈ రెండు సొల్యూషన్స్ ద్వారా నీవు కలిగిన అవిటితనమునుండి విడుదల పొందునట్లుగా సిద్ధపరుస్తున్నాడు, దీనినిబట్టి అనేకులు రక్షణ పొందునట్లుగా దేవుడు నిన్ను ఎన్నుకున్నాడు.

2024 ముగించబడునట్లుగా రెండు సొల్యూషన్స్ దేవుడు మనకొరకు సిద్ధపరిచాడు.

పక్షిరాజు యవ్వవనమువలె నీ ¸యవ్వవనము క్రొత్తదగు చుండునట్లు మేలుతో నీ హృదయమును తృప్తిపరచుచున్నాడు కీర్తన 103:5

పక్షిరాజు నూతనముగా చేయబడకమునుపు చాలా భయంకరముగా ఉంటుంది. పక్షిరాజు అనగా గ్రద్ద. ఒకానొక సమయములో తన శరీరము అంతా గాయపరచబడుతుంది. ఆ సమయము అయిపోయినతరువాత యవ్వనముగా రూపాంతరము చెందుతుంది. అలాగే 2024 నూతనపరచబడే సంవత్సరముగా ఉంటుంది. ముందు ఉన్న జీవితము కోల్పోయిందేమో అయితే ఆ పోగొట్టుకున్నది తిరిగి పొందుకుంటాము.

ఏ ధనము అయితే నష్టపోయామో ఆ ధనము తిరిగి సమకూర్చ బడుతుంది. కోల్పోయిన జీవితమును నూతనమైన జీవితముగా చేస్తున్నాడు. ఆరోగ్యము పోగొట్టుకున్నావా? ఆరోగ్యము రెస్టొర్ అవుతుంది.

వల్లూరి కళ్యాణి కొరకు ప్రాఫెసీ: నూతనమైన ఆరోగ్యముచేత నీవు ఉండబోతున్నావు. ఇంతకు ముందు నిన్ను బాధించినది ఇప్పుడు ముగించబడుతుంది.

మధుసూదనరావు బ్రదర్ కొరకు ప్రాఫెసీ: నీ ధనము రెస్టొర్ అవుతుంది. ఈ సంవత్సరము తృప్తి పరచబడతావు.

ధర్మశాస్త్రము మోషేద్వారా అను గ్రహింపబడెను; కృపయు సత్యమును యేసు క్రీస్తుద్వారా కలిగెను – యోహాను 1:17

మనిషిని రక్షించడానికొరకు దేవుడు ధర్మశాస్త్రమును సిద్ధపరచాడు. అలాగే అదే మనిషిని రక్షించడానికి యేసు ప్రభువును సిద్ధపరచాడు. నన్ను రక్షించడానికి ఒక సొల్యూషన్ మొదట దేవుడు పంపించాడు, అది నన్ను విడుదల చేయలేకపోతుంది. అయితే యేసయ్య అనే సొల్యూషన్ మాత్రము నన్ను రక్షించగలిగింది.

2023 మొదటి సొల్యూషన్ అయితే 2024 రక్షించిన సొల్యూషన్ గా ఉంది.

ధర్మశాస్త్రము కండిషన్స్ తో కూడినది యేసయ్య కృపతో కూడినది. 2023 లో ఒక అవకాశము దొరికినప్పటికీ ఫుల్ ఫిల్ అవ్వలేదు. అయితే 2024 లో ఖచ్చితముగా కృపా సంవత్సరమై నిన్ను నిలబెట్టి నిన్ను తృప్తిపరచేదిగా ఉంటుంది.

తేజ, సందీప్, మౌనిక కొరకు ప్రాఫెసీ: మరొకసారి మీకు అవకాశము ఇవ్వబడుతుంది. ఖచ్చితముగా కృపా సంవత్సరమై నిన్ను నిలబెట్టి నిన్ను తృప్తిపరచేదిగా ఉంటుంది.

ప్రదీప్ బ్రదర్ మరియు భార్య కొరకు ప్రాఫెసీ: 2024 లో మీ పొజిషన్స్ మార్చబడుతున్నాయి.

ఉద్యోగము చేసే ప్రతివారి పొజిషన్స్ మారబోతున్నాయి. ఈ 2024 అంతటా కృప వెల్లడిపరచబడుతుంది. ఈ 12 నెలలు సంపూర్ణమైన కృప మనము కలిగి ఉంటున్నాము. మీ జీవితాలలో దేవుని కృపను పొందుకొనేవారుగా మీరు ఉంటున్నారు.

కృపపొందిన మరియ జీవితములో దేవుని చిత్తము జరిగించబడింది, దేవుని ఉద్దేశ్యము నెరవేర్చబడింది. నీవు కూడా కృప పొందుకున్నావు గనుక నీ జీవితములో దేవుని ఉద్దేశ్యము నెరవేరబడుతుంది. కృపపొందిన మరియ జీవితములో శరీరములో, జీవితములో పరిశుద్ధాత్మ శక్తి స్థిరపరచబడింది. ఇప్పుడు ఆ కృపను బట్టి మరియ నామము ఇన్ని సంవత్సరాలవరకు వెల్లడిపరచబడుతుంది.

భానుప్రియ సిస్టర్ కొరకు ప్రాఫెసీ: ఈ సంవత్సరము ఒక నూతన ఆరంభముగా ఉండబోతుంది. ఈ నూతన ఆరంభము ప్రతీ సంవత్సరము జరుగుతుంది.

దేవుని కృపను పొందుకున్న మన అందరి జీవితములలో ఒక నూతన ఆత్మీయ ప్రారంభము ఉంటుంది. పరిశుద్ధాత్మ శక్తి కనపరచబడటము మన అందరి జీవితములో ప్రారంభమవుతుంది. అంతకు ముందు ఎప్పుడు జరగినిది మరియ జీవితములో ఆరంభించబడింది. అలాగే మన జీవితములో కూడా జరుగుతుంది.

ప్రభు కోసము నిలబడాలి అనే ఆశ కలిగిన ప్రతీ ఒక్కరినీ వాడుకొనేవాడుగా ఉన్నాడు.

అంతట నేను క్రొత్త ఆకాశమును క్రొత్త భూమిని చూచితిని. మొదటి ఆకాశమును మొదటి భూమియు గతించిపోయెను- ప్రకటన 21:1

ఈ మినిస్ట్రీ వ్యక్తులు నూతనమైన ప్రదేశములలో ఉండులాగున అనగా విదేశములలో ఉండులాగున ప్రభువు కార్యము చేస్తున్నాడు.

కేరళ సునిల్ బ్రదర్ కొరకు ప్రాఫెసీ: 2024 లో అనేకమైన ప్రాంతములకు నడిపించబడతావు.

ఇక్కడ ఉన్న బిడ్డలను కూడా నూతనమైన ప్రదేశములకు దేవుడు తీసుకువెళుతున్నాడు.

సొంత ఇల్లు లేనివారికి సొంత ఇల్లు దేవుడు అనుగ్రహిస్తున్నాడు.

ప్రదీప్ బ్రదర్ కొరకు ప్రాఫెసీ : సొంత గృహము దేవుడు ఇస్తున్నాడు.

కృప మనలను సంతోషపరచేదిగా ఉంది. 12 నెలలకు 12 ఆశీర్వాదాలు, 12 అద్భుతములు సిద్ధముగా ఉన్నాయి.

సుధ వల్లురి సిస్టర్ కొరకు ప్రాఫెసీ: పర్మనెంట్ స్థలము సిద్ధపరచబడుతుంది.

సుధీర్ బ్రదర్ కొరకు ప్రాఫెసీ: మరొక సారి దేవుని కృప సిద్ధపరచబడుతుంది.

మార్టిన్ బ్రదర్ కొరకు ప్రాఫెసీ: నీ జీవితము, కుటుంబము రెస్టొర్ చేయబడుతుంది.

అశ్విని సిస్టర్ కొరకు ప్రాఫెసీ: 2024 నీ సంతోషమును పరిపూర్ణము చేసే సంవత్సరము

రత్న సుధీర్ బ్రదర్ కొరకు ప్రాఫెసీ : అనాకీయులు హతమార్చబడుతున్నారు. బలముగా నిలబడి ఉన్నది కూల్చివేయబడుతుంది. సౌఖ్యము అనుభవించుదువు.

సుధా చక్రవర్తి సిస్టర్ కొరకు ప్రాఫెసీ: మరియ సమయములో అద్భుతము జరగాల్సింది కానీ మిస్స్ అయింది. అయితే 2024 అద్భుతములు జరిగే సమయము.

అప్పారావు అంకుల్ కొరకు ప్రాఫెసీ: ఆరోగ్యము రెస్టొర్ అవుతుంది. ఆయుష్షు పొడిగించబడుతుంది.

యాకోబు అకుల్ కొరకు ప్రాఫెసీ: సొంత గృహము సిద్ధపరచబడింది. అద్భుతము వెంబడి అద్భుతము జరుగుతుంది.

అరుణ కుమారి సిస్టర్ కొరకు ప్రాఫెసీ: మేలుతో నీ హృదయాన్ని తృప్తిపరుస్తాను. 2023 లో ఉన్న బాధ ఇంక ఉండదు.

దేవి సిస్టర్ గారి సహోదరి కొరకు ప్రాఫెసీ: 2024 లో నీ ఆశ పరిపూర్ణము చేయబడుతుంది. బలమైన పరిస్థితులన్నీ కూలద్రోయబడుతున్నాయి. ఇంక అనాకీయులను చూడవు.

యామిని సిస్టర్ కొరకు ప్రాఫెసీ: అనాకీయులను నీవు ఇంక చూడవు. 2024 పరిపూర్ణమైన యేర్.

అహరోను బ్రదర్ కొరకు ప్రాఫెసీ: నూతనమైన ప్రయాణము నీ జీవితములో ఆరంభించబడుతుంది. దేవుని శక్తి చేత అది స్థిరపరచబడుతుంది.

వీరేంద్ర బ్రదర్ కొరకు ప్రాఫెసీ: ఈ సంవత్సరము వృద్ధి కలుగచేయబడుతుంది.

వేణు సిస్టర్ కొరకు ప్రాఫెసీ: మహాశ్చర్య కార్యములు స్థిరపరచబడతాయి.

శ్రీలత సిస్టర్ కొరకు ప్రాఫెసీ: మేలు చేత నీ హృదయమును తృప్తి పరుస్తాను అని దేవుడు చెప్పుచున్నాడు.

చంద్రశేఖర్ బ్రదర్ కొరకు ప్రాఫెసీ: దేవుని యొక్క కనికరము నీ జీవితములో విడుదల చేయబడుతుంది.

మృదుల సిస్టర్ కొరకు ప్రాఫెసీ: నీ జీవితము ఇంక్రీజ్ అవుతుంది. నీవు బ్లెస్స్ అవుతున్నావు.