30-Oct-2022 – ఆదివారము ఆరాధన – అద్భుతం చూడడానికి

Main Message | మెయిన్ మెసేజ్

అద్భుతము చూడాలి అనుకుంటున్నారా! అయితే ఈరోజు దేవుని మాటలు జాగ్రత్తగా గమనించండి.

గిద్యోనుచిత్తము నా యేలినవాడా, యెహోవా మాకు తోడైయుండినయెడల ఇదంతయు మాకేల సంభవిం చెను? యెహోవా ఐగుప్తులో నుండి మమ్మును రప్పించెనని చెప్పుచు, మా పితరులు మాకు వివరించిన ఆయన అద్భుతకార్యములన్నియు ఏ మాయెను? యెహోవా మమ్మును విడిచిపెట్టి మిద్యానీయుల చేతికి మమ్మును అప్పగించెనని అతనితో చెప్పెను. అంతట యెహోవా అతనితట్టు తిరిగిబలము తెచ్చుకొని వెళ్లి మిద్యానీయుల చేతిలోనుండి ఇశ్రాయేలీయులను రక్షిం పుము, నిన్ను పంపినవాడను నేనే అని చెప్పగా – న్యాయాధిపతులు 6:13,14.

ఇక్కడ గిద్యోను దేవుని కార్యములు చూడలేదు గానీ, కేవలము విన్నవాడుగానే ఉన్నాడు. తన చుట్టు ఉన్నపరిస్థితులు చూస్తే చాలా దయనీయముగా ఉంది.

ఇశ్రాయేలీయులు విత్తనములు విత్తిన తరువాత మిద్యా నీయులును అమాలేకీయులును తూర్పుననుండు వారును తమ పశువులను గుడారములను తీసికొని మిడతల దండంత విస్తారముగా వారిమీదికి వచ్చి వారి యెదుట దిగి, గాజాకు పోవునంతదూరము భూమి పంటను పాడుచేసి, ఒక గొఱ్ఱనుగాని యెద్దునుగాని గాడిదనుగాని జీవనసాధన మైన మరిదేనినిగాని ఇశ్రాయేలీయులకు ఉండనీయ లేదు. వారును వారి ఒంటెలును లెక్కలేకయుండెను.
6 దేశమును పాడుచేయుటకు వారు దానిలోనికి వచ్చిరి ఇశ్రాయేలీయులు మిద్యానీయులవలన మిక్కిలి హీనదశకు వచ్చినప్పుడు వారు యెహోవాకు మొఱ్ఱ పెట్టిరి – న్యాయాధిపతులు 6: 2- 6.

అయితే అటువంటి పరిస్థితులలో గిద్యోను తన వద్దకు వచ్చిన దేవుని వాక్కును నమ్మలేకపోతున్నాడు. అప్పుడు దేవుడు ఇలా అంటున్నాడు, నీవు విన్న ప్రకారము ఇంతవరకు జరగకపోయినా ఇప్పుడు మరలా బలము తెచ్చుకో! ఇప్పుడు ఆ అద్భుతము నీవు చూస్తావు అని చెప్పుచున్నాడు. దేవుని గూర్చిన అనుభవము లేకనే ఇటువంటి అవిశ్వాసము మనలో కలుగుతుంది. అయితే దేవుని వాక్కు మనకు వచ్చినప్పుడు గిద్యోనుకు వచ్చిన ప్రకారముగానే దేవుని అద్భుతము చూడగలిగే అవకాశము వచ్చింది అనే సత్యము మనము గ్రహించాలి. దేవుని ఉద్దేశ్యము ఇశ్రాయేలు ప్రజలను రక్షించడము. దానికొరకు గిద్యోను ఎన్నుకోబడ్డాడు అనే సంగతి అతడు ఎరగలేకపోతున్నాడు. అందుకే తన సందేహాన్ని వెలిబుచ్చాడు. అయితే దేవుని సమాధానము – “ఇప్పుడు నీవు చూస్తావు”. బాలుడైన సమూయేలుకూడా రెండుసార్లు దేవుని స్వరాన్ని గమనించలేకపోయాడు. అయితే మూడవసారి గమనించినవాడై దేవుని స్వరాన్ని వినగలిగాడు. అయితే గిద్యోను తన యొక్క సందేహమును బట్టి కొంత సమయమును వృధా చేసాడు.

అతడు చిత్తము నా యేలిన వాడా, దేని సహాయముచేత నేను ఇశ్రాయేలీయులను రక్షింపగలను? నా కుటుంబము మనష్షే గోత్రములో ఎన్నికలేనిదే. నా పితరుల కుటుంబములో నేను కనిష్ఠుడనై యున్నానని ఆయనతో చెప్పెను. అందుకు యెహోవా అయిన నేమి? నేను నీకు తోడై యుందును గనుక ఒకే మనుష్యుని హతము చేసినట్లు మిద్యానీయులను నీవు హతముచేయుదువని సెలవిచ్చెను – న్యాయాధిపతులు 6:15,16.

దేవుని అద్భుతాన్ని అనుభవించాలి అంటే సందేహములన్నీ తీసివేయాలి. గిద్యోను “నేను దేని సహాయము చేత ఇశ్రాయేలును రక్షింపగలను?” అని అడుగుతున్నాడు. అయితే ఏంటి, నిన్ను పంపిన వాడను నేను అని ప్రభువు చెప్పుచున్నాడు. అనగా నిన్ను పంపినవాడనే నేను, నీ సహాయము కూడా నేనే.

అందుకు మోషేనేను ఫరో యొద్దకు వెళ్లుటకును, ఇశ్రాయేలీయు లను ఐగుప్తు లోనుండి తోడుకొని పోవుటకును ఎంతటివాడ నని దేవునితో అనగా ఆయననిశ్చయముగా నేను నీకు తోడై యుందును, నేను నిన్ను పంపితిననుటకు ఇది నీకు సూచన; నీవు ఆ ప్రజలను ఐగుప్తులోనుండి తోడు కొని వచ్చిన తరువాత మీరు ఈ పర్వతముమీద దేవుని సేవించెదరనెను – నిర్గమకాండము 3:11,12.

ఉదయాన కూడా మనము చూసాము, ఆ సారెఫతు గ్రామములో అంతమంది ఉండగా ఆ విధవరాలి ఇంటికే ఎందుకు పంపించబడ్డాడు అని. మోషేను కూడా దేవుడు ఎన్నికచేసుకున్నాడు. మోషే కూడా సందేహాన్ని వెలిబుచ్చినప్పుడు, నేనే నిన్ను పంపితిని అనుటకు ఇదే సూచన అని దేవుడు చెప్పాడు. అలాగే నీ జీవితములో కూడా అద్భుతము చెయ్యాలి అనేదే ఆయన ఉద్దేశ్యము. అయితే ఆ విషయము లో మనము దేవుని వాక్యమును నమ్మగలగాలి. అందుకే దేవుని వాక్యము చెప్పుచున్నది – “చూడక నమ్మినవారు ధన్యులు”. మోషే ఇప్పుడు సామాన్యమైన వ్యక్తి అయి ఉన్నాడు ఫరో దగ్గరకు వెళ్ళడము అనేది సులువైన పని కాదు. అయితే దేవుడు అద్భుతము చేయగలడు అనే అనుభవము లేనంతవరకు అలా అనుకున్నాడు కానీ సూచన చూపించన తరువాత సిద్ధపడ్డాడు.

అందుకు అయ్యో ప్రభువగు యెహోవా, చిత్తగించుము నేను బాలుడనే; మాటలాడుటకు నాకు శక్తి చాలదని నేననగా యెహోవా నాకీలాగు సెలవిచ్చెనునేను బాలుడననవద్దు; నేను నిన్ను పంపువారందరియొద్దకు నీవు పోవలెను, నీకాజ్ఞాపించిన సంగతులన్నియు చెప్ప వలెను. వారికి భయపడకుము, నిన్ను విడిపించుటకు నేను నీకు తోడైయున్నాను; ఇదే యెహోవా వాక్కు. – యిర్మీయా 1:6-8.

ఈరోజు నిన్ను కూడా ఆయన ఎన్నిక చేసుకున్నాడు. ఆయన నీకు తోడై ఉంటడు.

అప్పుడు మోషేప్రభువా, ఇంతకు మునుపైనను, నీవు నీ దాసునితో మాటలాడి నప్పటినుండి యైనను, నేను మాట నేర్పరిని కాను, నేను నోటి మాంద్యము నాలుక మాంద్యము గలవాడనని యెహోవాతో చెప్పగా యెహోవామానవునకు నోరిచ్చినవాడు ఎవడు? మూగ వానినేగాని చెవిటివానినేగాని దృష్టిగలవానినేగాని గ్రుడ్డి వానినేగాని పుట్టించినవాడెవడు? యెహోవానైన నేనే గదా. కాబట్టి వెళ్లుము, నేను నీ నోటికి తోడైయుండి, నీవు ఏమి పలుకవలసినది నీకు బోధించెదనని అతనితో చెప్పెను. – నిర్గమకాండము 4:10-12.

మన బలాన్ని బట్టి, అర్హతను బట్టి జరగలేదు కానీ దేవుని చిత్తమును బట్టి జరిగింది. ఏ బలహీనత అయితే మోషే చూపిస్తున్నాడో అదే విషయములో దేవుడు బలాన్ని అనుగ్రహిస్తాను అని దేవుడు చెప్పుచున్నాడు. ఒక్క అడుగు నీవు వేయగలిగితే దేవుడు ఖచ్చితముగా నాలుగు అడుగులు నడిపిస్తాడు.

అలాగే గిద్యోను కూడా నేను దేని సహాయము చేత నేను జయించగలను అని అడుగుతున్నాడు. అయితే ఏ విషయములో బలహీనుడో ఆ విషయములో దేవుడు తోడుగా ఉంటాడు.

మరియు యెహోవా మోషే అహరోనులతో ఇట్లనెనుఫరో మీ శక్తి చూపుటకై ఒక మహత్కార్యము కనుపరచుడని మీతో చెప్పునప్పుడు నీవు అహరోనును చూచినీ కఱ్ఱను పట్టుకొని ఫరో యెదుట దాని పడ వేయుమనుము; అది సర్పమగును. కాబట్టి మోషే అహరోనులు ఫరో యొద్దకు వెళ్లి యెహోవా తమ కాజ్ఞా పించినట్లు చేసిరి. అహరోను ఫరో యెదుటను అతని సేవకుల యెదుటను తన కఱ్ఱను పడవేయగానే అది సర్ప మాయెను. అప్పుడు ఫరో తన విద్వాంసులను మంత్రజ్ఞులను పిలిపించెను. ఐగుప్తు శకునగాండ్రుకూడ తమ మంత్రములచేత ఆలాగే చేసిరి. నిర్గమకాండము 6:8-11.

మోషే కర్ర పడవేస్తే సర్పముగా మారడము అనే సూచన చూసాడు. ఫరో దగ్గర ఏమీ భయపడకుండానే ఆ క్రియ చేయగలిగాడు. అయితే ఫరో కూడా అలా చెయ్యగలడు అని దేవుడు చెప్పలేదు. అయితే ఆ పరిస్థితిలో మోషే ఎలా ఉండిఉంటాడు? ఖచ్చితముగా భయపడి ఉండాలి. అయితే నీ దేవుడు నిన్ను సిగ్గుపడనివ్వడు, కానీ సాక్షిగా నిలబెట్టేవాడు. ఫరో మంత్రజ్ఞులు కూడా కర్రలు సర్పములుగా మార్చారు. అంటే అద్భుతము పొందుకోవడానికి మనము ముందుకు అడుగువెయ్యగానే అనేకమైన ఆటంకాలు వస్తాయి. అయితే ఇప్పుడు ఇంక ముందుగా సిద్ధపరచడము లేదుగానీ, దేవుని మహత్కార్యము కనపరచబడటమే! అహరోను కర్ర మిగతా కర్రలన్నింటినీ మింగివేసెను.

ముందుగా సమాచారము ఉన్నఫ్ఫుడు దేవుడు నీకు తోడుగా ఉంటాడు. అలాగే ముందుగా నీకు సమాచారము లేనప్పుడు కూడా దేవుడు నీకు తోడుగా ఉంటాడు.

“దేని సహాయముచేత నేను ఇశ్రాయేలీయులను రక్షింపగలను?” అని గిద్యోను అడుగగా, “అయిన నేమి? నేను నీకు తోడై యుందును గనుక ఒకే మనుష్యుని హతము చేసినట్లు మిద్యానీయులను నీవు హతముచేయుదువని సెలవిచ్చెను”. మన జీవితములో కూడా మనము బలహీనులమే అయిననేమి? మనలను ఎన్నిక చేసుకొన్నవాడు ఆయనే గనుక ఆయన తోడుగా ఉంటాడు. విజయము అనుగ్రహించే వరకు కూడా ఏమి చెయాలో, ఎలా చెయ్యాలో దేవుడే చెప్పి నడిపించాడు.

ఈరోజు నిన్ను కూడా ఆయన ఎన్నిక చేసుకున్నాడు. ఆయన నీకు తోడై ఉంటడు.

అప్పుడు మోషేప్రభువా, ఇంతకు మునుపైనను, నీవు నీ దాసునితో మాటలాడి నప్పటినుండి యైనను, నేను మాట నేర్పరిని కాను, నేను నోటి మాంద్యము నాలుక మాంద్యము గలవాడనని యెహోవాతో చెప్పగా యెహోవామానవునకు నోరిచ్చినవాడు ఎవడు? మూగ వానినేగాని చెవిటివానినేగాని దృష్టిగలవానినేగాని గ్రుడ్డి వానినేగాని పుట్టించినవాడెవడు? యెహోవానైన నేనే గదా. కాబట్టి వెళ్లుము, నేను నీ నోటికి తోడైయుండి, నీవు ఏమి పలుకవలసినది నీకు బోధించెదనని అతనితో చెప్పెను. – నిర్గమకాండము 4:10-12.

మన బలాన్ని బట్టి, అర్హతను బట్టి జరగలేదు కానీ దేవుని చిత్తమును బట్టి జరిగింది. ఏ బలహీనత అయితే మోషే చూపిస్తున్నాడో అదే విషయములో దేవుడు బలాని అనుగ్రహించేవాడుగా ఉన్నాడు. ఒక్క అడుగు నీవు వేయగలిగితే దేవుడు ఖచ్చితముగా నాలుగు అడుగులు నడిపిస్తాడు.

మిద్యానీయులవలని బాధనుబట్టి ఇశ్రాయేలీయులు యెహోవాకు మొఱ్ఱపెట్టగా యెహోవా ఇశ్రాయేలీ యులయొద్దకు ప్రవక్తనొకని పంపెను. అతడు వారితో ఈలాగు ప్రకటించెనుఇశ్రాయేలీయుల దేవుడైన యెహోవా సెలవిచ్చినదేమనగానేను ఐగుప్తులోనుండి మిమ్మును రప్పించి, దాసుల గృహములోనుండి మిమ్మును తోడుకొని వచ్చితిని – న్యాయాధిపతులు 6:7,8.

ఇశ్రాయేలును విడుదల చెయ్యడమే దేవుని ఉద్దేశ్యము అందుకే గిద్యోనును ఏర్పరుచుకున్నాడు. నీ జీవితములో అద్భుతము జరుగుట నీ బలము బట్టి కాదు గానీ నీ దేవుని బట్టియే.

నీవు దేవునియొద్దనుండి వచ్చిన బోధ కుడవని మే మెరుగుదుము; దేవుడతనికి తోడైయుంటేనే గాని నీవు చేయుచున్న సూచకక్రియలు చెయ్యలేడు – యోహాను 3:2. అనగా దేవుని తోడులేకుండా అద్భుతములు జరుగవు.

మీరు అమోరీయుల దేశమున నివసించు చున్నారు, వారి దేవతలకు భయపడకుడి అని మీతో చెప్పితిని గాని మీరు నా మాట వినకపోతిరి. న్యాయాధిపతులు 6:10. అద్భుతము చూడాలి అంటే దేవుడు ఏమి చెయ్యవద్దు అను చెప్పుచున్నాడో ఆ విషయాలలో సరిచేసుకోవాలి.