28-Dec-2022 – క్రిస్మస్ పరిచర్య – లక్ష్మీ పోలవరం

క్రిస్మస్ పరిచర్య

క్రిస్మస్ వాక్య పఠనము

ఏలయనగా మనకు శిశువు పుట్టెను మనకు కుమారుడు అనుగ్రహింపబడెను ఆయన భుజముమీద రాజ్యభారముండును. ఆశ్చర్యకరుడు ఆలోచనకర్త బలవంతుడైన దేవుడు నిత్యుడగు తండ్రి సమాధానకర్తయగు అధిపతి అని అతనికి పేరు పెట్టబడును.- యెషయా 9:6

ఆ దేశములో కొందరు గొఱ్ఱల కాపరులు పొల ములో ఉండి రాత్రివేళ తమ మందను కాచుకొను చుండగా ప్రభువు దూత వారియొద్దకు వచ్చి నిలి చెను; ప్రభువు మహిమ వారిచుట్టు ప్రకాశించినందున, వారు మిక్కిలి భయపడిరి. అయితే ఆ దూతభయ పడకుడి; ఇదిగో ప్రజలందరికిని కలుగబోవు మహా సంతోషకరమైన సువర్తమానము నేను మీకు తెలియజేయు చున్నాను; దావీదు పట్టణమందు నేడు రక్షకుడు మీ కొరకు పుట్టి యున్నాడు, ఈయన ప్రభువైన క్రీస్తు – లూకా 2:8-11

అయితే కాలము పరిపూర్ణమైనప్పుడు దేవుడు తన కుమారుని పంపెను;ఆయన స్త్రీయందు పుట్టి, మనము దత్తపుత్రులము కావలెనని ధర్మశాస్త్రమునకు లోబడి యున్నవారిని విమోచించుటకై ధర్మశాస్త్రమునకు లోబడినవాడాయెను. –  గలతీ 4:4,5

క్యాండిల్ లైట్ సర్వీస్

1.ఓ సద్భక్తులారా ! లోకరక్షకుండు
బెత్లెహేమందు నేఁడు జన్మించెన్
రాజాధిరాజు ప్రభువైన యేసు
నమస్కరింప రండి నమస్కరింప రండి.
నమస్కరింప రండి యుత్సాహముతో.

2.సర్వేశ్వరుండు నరరూప మెత్తి
కన్యకుఁ బుట్టి నేఁడు వేంచేసెన్
మానవ జన్మ మెత్తిన శ్రీ యేసూ
నీకు నమస్కరించి నీకు నమస్కరించి
నీకు నమస్కరించి పూజింతుము.

3.ఓ దూతలారా! ఉత్సహించి పాడి
రక్షకుండైన యేసున్ నుతించుఁడి
పరాత్పరుండా నీకు స్తోత్ర మంచు
నమస్కరింప రండి నమస్కరింప
రండి నమస్కరింప రండి యుత్సాహముతో

4.యేసూ! ధ్యానించి నీ పవిత్ర జన్మ
మీ వేళ స్తోత్రము నర్పింతుము
అనాది వాక్య మాయె నరరూపు
నమస్కరింప రండి నమస్కరింప రండి
నమస్కరింప రండి యుత్సాహముతో

క్రిస్మస్ ఆరాధన

ప్రభు ఆత్మ నాలో నిండిపొర్లినప్పుడు
దావీదువలె నేను నాట్యమాడెదన్
నాట్యమాడెదన్ నేను
నాట్యమాడెదన్ నేను
దావీదువలె నేను నాట్యమాడెదన్

ప్రభు ఆత్మ నాలో నిండిపొర్లినప్పుడు
దావీదువలె నేను పాటపాడెదన్
పాటపాడెదన్ నేను
పాటపాడెదన్ నేను
దావీదువలె నేను పాటపాడెదన్

ప్రభు ఆత్మ నాలో నిండిపొర్లినప్పుడు
దావీదువలె నేను స్తుతించెదను
స్తుతించెదన్ నేను
స్తుతించెదన్ నేను
దావీదువలె నేను స్తుతించెదను

క్రిస్మస్ సందేశము

మనము ఇక్కడ కూడుకొని ఉండటనికి కారణము ఏమిటి? మంచి అలంకరణలు, మంచి భోజనాలు సిద్ధము చేయబడ్డాయి. ఈలోకంలో సందడి ఉంటుంది గానీ నిజమైన విషయం మర్చిపోతున్నారు. క్రిస్మస్ అనగా క్రీస్తును ఆరాధించుట. అయితే ఎందుకు ఆరాధించాలి? అసలు యేసయ్య ఎందుకు పుట్టాడు అనే సంగతి తెలియకుండా సంబరాలు చేసుకోవడం వల్ల ఉపయోగము లేదు.

క్రీస్తు యొక్క పుట్టుక ఒక సంతోషకరమైన శుభవర్తమాననము. క్రీస్తు పుట్టినప్పుడు వచ్చిన గొర్రెల కాపరులు ఎంతో సంతోషముగా నాట్యమాడి ప్రకటించారు. అయితే మనము క్రీస్తును కలిగి ఉన్నామా? ఒకవేళ క్రీస్తును కలిగి ఉంటే ప్రతిరోజు క్రిస్మస్ సంతోషమే.

మన జీవితములు దేవుని మహిమ కొరకే, వాక్యమును గమనించినట్టయితే.

నా నిమిత్తము నేను నిర్మించిన జనులు నా స్త్రోత్రమును ప్రచురము చేయుదురు – యెషయా 43:21.

సత్యము మీకు తెలియాలి అంటే ఈ వాక్యమును గమనించండి. మన జీవితాలు దేవుని మహిమకొరకు సృష్టించినవైనప్పటికీ, అపవాది లాక్కుని స్వతంత్రించుకుంది. ఈ లోకములో మన భూమిని వేరే వారు లాక్కున్నప్పుడు ఎలాగైనా మనము తిరిగి స్వాధీనము చేసుకోవడానికి ప్రయత్నిస్తామో, అలాగే మన దేవుడు అయిన యేసయ్య మన అందరికీ మనము పోగొట్టుకున్న మహిమా జీవితాన్ని తిరిగి ఇవ్వడానికి వచ్చాడు.

ఆయన మనలను అంధకారసంబంధమైన అధికారములోనుండి విడుదలచేసి, తాను ప్రేమించిన తన కుమారునియొక్క రాజ్యనివాసులనుగా చేసెను. కొలస్సీ 1: 13

మనము అపవాది చేత పట్టబడ్డప్పుడు ఇంక మన ఇష్టము ఏమీ ఉండదు. ఉదాహరణకు తాగుడుకు బానిసను చూస్తే మానాలనుకున్నా మానలేని బానిసత్వము. మనలను అంధకార సంబంధమైన అధికారములో ఉండిపోయాము. ఒక అధికారికి మనము లోబడినట్టే, మనకు ఇష్టమున్నా లేకపోయినా మనము ఆ అధికారానికి లోబడిపోతున్నాము. మనము ఎంత ప్రయత్నించినప్పటికీ ఏమీ చెయ్యలేని స్థితిలో నిన్ను గెలిపించి విడిపించడానికి యేసయ్య వచ్చినాడు.

తాను ప్రేమించిన తన కుమారునియొక్క రాజ్యనివాసులనుగా చేసెను. ఇప్పటివరకు మనము అపవాది ఆధిపత్యములో ఉండేవాళ్ళము గానీ, ఎప్పుడైతే యేసయ్యను అంగీకరించావో అప్పుడు నీవు అపవాది అధికారములో అధికారములోనుండి తప్పించబడ్డావు.

ఏలయనగా మనకు శిశువు పుట్టెను మనకు కుమారుడు అనుగ్రహింపబడెను ఆయన భుజముమీద రాజ్యభారముండును. ఆశ్చర్యకరుడు ఆలోచనకర్త బలవంతుడైన దేవుడు నిత్యుడగు తండ్రి సమాధానకర్తయగు అధిపతి అని అతనికి పేరు పెట్టబడును – యెషయా 9:6

ఈ లోకములో చిన్న చిన్న వాటికే ఆత్మహత్యలు చేసుకుంటున్నారు. ఒకవేళ యేసయ్య నా కొరకు ఉన్నాడు అనే సంగతి గ్రహించినట్టయితే, నీ జీవితం యొక్క భారము మోసేవాడుగా ఉన్నాడు అనే సంగతి ఎరిగిన వాడుగా అవుతావు. నా జీవితములో సంతోషము లేదు, విశ్రాంతి లేదు అని నీవు అనుకుంటే, యేసయ్యను అంగీకరించినయెడల నీకు సంతోషము, సమాధానము కలుగుతుంది. మీరు నాయొద్దకు రండి, మీకు విశ్రాంతి కలుగచేసెదను అని ప్రభువే చెప్తుననడు కదా.

మనిషికి దేనితోను సంతృప్తి ఉండదు. మన మనస్సంతా నెగటివ్ విషయాలతో నిండిపోయి ఉంటుంది. యేసయ్య పుట్టక మునుపే ప్రవక్తలద్వారా చెప్పబడిన మాట, ఆయన “ఆశ్చర్యకరుడు ఆలోచనకర్త బలవంతుడైన దేవుడు నిత్యుడగు తండ్రి సమాధానకర్తయగు అధిపతి”. ఈ మాటలి ప్రతీ క్రిస్మస్ రోజున వింటాము. ఇమ్మానుయేలు అయిన వాడు అంటే మనకు తోడుగా ఉండేవాడు. నీ కోసము వచ్చిన దేవుడు నీకు తోడుగా ఉండేవాడుగా ఉన్నాడు. ఆయన ఆశ్చర్యకరుడే మనము ఒప్పుకున్నా ఒప్పుకోకపోయినా ఆయన ఆశ్చర్యకరుడే. పరలోకములో ఆయన నిత్యము స్తుతించబడేవాడు. అయినప్పటికీ ఆ పరలోకములోని ఘనతను భాగ్యముగా ఎంచుకోలేదు గానీ నీ జీవితములో ఉండటానికి ఇష్టపడుతున్నాడు. ఆయన మార్పులేని దేవుడుగా ఉన్న ఆయ్న నీ జీవితములో ఆశ్చర్యకరుడుగా ఉంటున్నాడు. నీ కొరకు నీతో ఉన్నవాడు ఎలాంటివాడు అని నీవు గ్రహించు.

అంతేకాడు ఆయన ఆలోచనకర్త అయిన దేవుడు. మనుష్య దేహమును గమనిస్తే నిన్ను సృష్టించిన దేవుడి ఆలోచన ఎలా ఉంటుంది అని నీవు గ్రహించగలుగుతావు. నీ ఊహకు మించిన ఆలోచన కలిగిన దేవుడు. అంతే కాదు ఆయన బలమైన దేవుడు. ఆయన నీ జీవితములో బలమైన దేవుడుగ ఉండటానికి ఇష్టపడుతున్నాడు. గొర్రెల కాపరులు అయితే ఆ యేసు ప్రభువును చూడటానికి ఎంతో సంతోషముతో నిండిపోయారు. ఈరోజు అలంకరణలు ఈరోజుకే కాదు కానీ ఆయన ఏమై ఉన్నాడో నీవు ఎరిగినట్టయితే ప్రతిరోజు సంతోషమే.

మనము క్రీస్తును అంగీకరించినప్పటికీ, మన క్యారెక్టర్లో ఏ మార్పు రావట్లేదు. వెలుగై ఉన్న దేవునిని కలిగిన మనము వెలుగై ప్రకాశించేవారిగా ఉండాలి. యేసయ్యను అంగీకరించిన నీలో బలమైన కార్యాలు జరుగుతాయి అని నీవు గ్రహించి అంగీకరించు. నీ జీవితములో తన కార్యము జరిగించాలి అని దేవుడు ఇష్టపడుతున్నాడు.

సమాధానానికి అధిపతి అయిన దేవుడు. సర్వమానవాళికి ఏదో ఒక విషయములో సమాధానము లేదు. ఒకటి ముగిస్తే మరొకటి మన జీవితానికి సమాధానము లేకుండా చేస్తున్నాయి. అయితే సమాధానానికి అధిపతి అయిన యేసయ్యను అంగీకరిస్తే, ఆ కొదువైన సమాధానాన్ని అనుభవించగలుగుతావు. క్రీస్తును నిజముగా ఎరిగిన వాడు, మౌనముగా ఉండలేడు, ఆయనను గూర్చి ప్రకటించకుండా ఉండలేడు.

మన జీవితాన్ని తన ఆధికారములోనికి తీసుకున్నప్పుడు యేసయ్య వచ్చి వాడి అధికారమునుండి విడిపించాడు. అలాగే మన జీవితములో ఏమి జరుగుతుందో అనే భయముతో నిండిపోయిన స్థితిలో ఉండిపోయాము. అయితే ఆ భయమునుండి విడిపించడానికి యేసయ్య వచ్చారు.

కాబట్టి ఆ పిల్లలు రక్తమాంస ములు గలవారైనందున ఆ ప్రకారమే మరణముయొక్క బలముగలవానిని, అనగా అపవాదిని మరణముద్వారా నశింపజేయుటకును, జీవితకాలమంతయు మరణభయము చేత దాస్యమునకు లోబడినవారిని విడిపించుటకును, ఆయనకూడ రక్తమాంసములలో పాలివాడాయెను- హెబ్రీ 2: 14

మనము మరణభయముచేత, భయాము అనే దాస్యమునకు లోనైపోయాము. దేవుడిచ్చిన మహిమా జీవితము పోగొట్టుకున్న మనము అపవాది అధికారములో భయముతో నశించిన జీవితము. అయితే నీ జీవితములో ఏ మరణభయము చేత నీ జీవితము కొనసాగించబడుతుందో, ఆ మరణ భయమునుండి విడిపించడానికి రక్షకుడుగా ఈ భూలోకమునకు వచ్చినాడు. ఆయన ఉన్నచోట భయానికి తావు లేదు. ఒక్కొక్కరు ఒక్కొక్క భయముచేత గలిబిలిగా ఉంటున్నరు. అయితే నీవు యేసయ్యను అంగీకరించినట్టయితే ఆ భయమునుండి విడిపించేవాడుగా ఆయన నీ జీవితములో ఉంటాడు.

యెహోవా నా కాపరి నాకు లేమి కలుగదు. – కీర్తన 23:1

కాపరి అంటే కాపాడేవాడు. రక్షకుడుగా ఉన్నా మన యేసయ్య మనలను కాపాడుతాడు. ఇప్పుడు ఏ స్థితిలో ఉన్నా చివరికి నీ స్థితి కాపాడబడటమే.

పచ్చికగల చోట్లను ఆయన నన్ను పరుండజేయు చున్నాడుశాంతికరమైన జలములయొద్ద నన్ను నడిపించుచున్నాడు – కీర్తన 23:2

మన జీవితములో, మన కుటుంబములో జీవము లేని చోట్ల జీవముతో నింపేవాడుగా ఆయన ఉంటున్నాడు. నీ స్థితి ఏదైనా గానీ ఆయ్నా నీ రక్షకుడుగా ఉంటున్నాడు. నీ జీవితము జీవము కలిగినదిగా అవుతుంది.

నేను బ్రతుకుదినములన్నియు కృపాక్షేమములే నా వెంటవచ్చును – కీర్తన 23:6

నా జీవిత కాలమంతయు అనగా నేను బ్రతిన కాలమంతా ఆయన కృపను క్షేమమును అనుగ్రహించేవాడిగా ఉన్నాడు. క్రిస్మస్ అనగా కేవలము అలంకరణలు, సంబరాలు మాత్రమే కాదు కానీ, నీ జీవితమును ఆయన మహిమతో అలంకరించి సంతోషముతో నింపాలని ఆయన ఆశపడుతున్నాడు.

పరలోక ప్రార్థన గుర్తుచేసుకున్నట్టయితే, “పరలోకములో నీ చిత్తము జరగులాగున, భూలోకములో నీ చిత్తము జరుగును గాక” అని వ్రాయబడి ఉంది. అయితే ఆ దేవుని చిత్తము మన జీవితములో జరుగకుండా అపవాది మనలను పాపములో బంధించాడు. అయితే ఆ దేవుని చిత్తము జరిగించడానికి యేసయ్య ఈ భూమిమీదకు వచ్చాడు. ఆయనను అంగీకరించగానే నీవు దేవుని కుమారునిగా చేయబడుతున్నావు. దానిని బట్టి అపవాది అధికారము నీమీదనుండి తొలగించబడి దేవుని చిత్తము నీ జీవితములో జరుగుతుంది.

ఈరోజు ప్రభువు కోరుకుంటున్నది ఏమిటంటే, అక్కడక్కడా కాదు కానీ అందరూ ఆయనను అంగీకరించి మహిమతో నింపబడాలి. ఆయన చిత్తము నీ జీవితములో జరిగించబడాలి. ఆ యేసయ్య పుట్టింది ఎందుకంటే దేవుని చిత్తము యేసయ్యను బట్టి నీ జీవితములో జరగాలి. అది ఎలా జరుగుతుంది అంటే, ప్రభువును మహిమ పరచునట్టుగా దేవుని చిత్తము నీ జీవితములో జరిగించబడుతుంది.

ఆయన మన పితరులను కరుణించుటకును తన పరిశుద్ధ నిబంధనను, అనగా మన తండ్రియైన అబ్రాహాముతో తాను చేసిన ప్రమాణమును జ్ఞాపకము చేసికొనుటకును మనము శత్రువుల చేతినుండి విడిపింపబడి, మన జీవిత కాలమంతయు నిర్భయులమై, ఆయన సన్నిధిని పరిశుద్ధముగాను నీతిగాను ఆయనను సేవింపను అనుగ్రహించుటకును ఈ రక్షణ కలుగజేసెను- లూకా 1: 73

ఈ వాక్యము చాలా ప్రాముఖ్యమైనది. అబ్రహాముతో ఒక ప్రమాణము దేవుడు చేసాడు అంట. అబ్రహాము అంటేనే ఆశీర్వాదము. ఆ అబ్రహాముకు ఇచ్చిన ప్రమాణము నెరవేర్చబడటానికి, అనగా మనము శత్రువుల చేతినుండి విడిపింపబడి, మన జీవిత కాలమంతయు నిర్భయులమై, ఆయన సన్నిధిని పరిశుద్ధముగాను నీతిగాను ఆయనను సేవింపను అనుగ్రహించుటకును ఈ రక్షణ కలుగజేసెను. ఈ రక్షణ అనగా “యేసయ్య” అనే రక్షణ కలుగజేయబడటానికి అబ్రహాముతో ఆయన ప్రమాణము చేసాడు. ఆ ప్రమాణము ఇప్పుడు నెరవేర్చబడాలి. ఈ సత్యము నీవు గ్రహించినట్టయితే నీ జీవితముకొరకు దేవుడు ప్రమాణము చేసాడు, ఆ ప్రమాణము యేసయ్యలో నెరవేరుతుంది అని నీకు అర్థము అవుతుంది. యేసయ్యలోనే నీ జీవితానికి అర్థము, విలువ.

మనము ఆయన ద్వారా జీవించు నట్లు, దేవుడు తన అద్వితీయ కుమారుని లోకములోనికి పంపెను; దీనివలన దేవుడు మనయందుంచిన ప్రేమ ప్రత్యక్షపరచబడెను – 1 యోహాను 4:9

ఇది క్రీస్తు యొక్క పుట్టుక యొక్క ఉద్దేశ్యము. ఆ యేసయ్య ఎప్పుడైతే మన జీవితములో ఉంటాడో అప్పుడు

కొలస్సీలో పరలోకమందున్నవైనను భూలోకమందున్నవైనను సమస్తము యేసుక్రీస్తునందే ఉండాలి అని తండ్రి అభీష్టము. పరలోకమందున్న నిత్యరాజ్యము, ఈ భూలోకములో నీవు జీవించడానికి అవసరమైన సమస్తము యేసయ్యలోనే నీకు అనుగ్రహించబడ్డాయి. యేసయ్యను అంగీకరించినప్పుడు ఇవన్నీ నీ జీవితములో నెరవేర్చబడి స్థిరపరచబడతాయి.

నా నిమిత్తము నేను నిర్మించిన జనులు నా స్త్రోత్రమును ప్రచురము చేయుదురు – యెషయా 43:21.

ఈ వాక్యము నీవు క్రీస్తు పుట్టుక ఉద్దేశ్యము గ్రహించినప్పుడే నీ జీవితములో నెరవేరుతుంది. ఇది నెరవేరడానికే యేసయ్య భూలోకములోనికి వచ్చాడు. యేసయ్యకు నీ జీవితమును మహిమతో నింపడానికి సమస్తము సాధ్యమే! ఈ సత్యము నీవు గ్రహించి అంగీకరించినట్టయితే దేవుని చిత్తము నీ జీవితములో నెరవేరుతుంది.