12-03-2023 ఆదివారం మొదటి ఆరాధన

మెయిన్ మెసేజ్

దేవుడు ఇచ్చిన కృపను బట్టి 50 దినముల ఉపవాసము ముగించబడినది. ఖచ్చితముగా ప్రతీ ఉపవాసము తరువాత మార్పు అనేది ఉంటుంది.

వారు బయలుదేరి వాక్యమంతట ప్రకటించిరి. ప్రభువు వారికి సహకారుడై యుండి, వెనువెంట జరుగుచువచ్చిన సూచక క్రియలవలన వాక్యమును స్థిరపరచుచుండెను. ఆమేన్. -మార్కు 16:20

శిష్యులు వాక్యమును ప్రకటించిన తరువాత, ప్రకటించబడిన వాక్యమును ప్రభువు స్థిరపరచుచూ ఉన్నాడు అని వాక్యము చెప్పుచున్నది.

ఎందుకనగా తన కుమారుడు అనేక సహోదరులలో జ్యేష్ఠుడగునట్లు, దేవుడెవరిని ముందు ఎరిగెనో, వారు తన కుమారునితో సారూప్యము గలవారవుటకు వారిని ముందుగా నిర్ణయించెను.౹ -రోమా 8:29

నీ ధన్యత క్రీస్తు అయి ఉన్నాడు. ఆయనను బట్టియే మీ జీవితములు ధన్యములుగా అవుతాయి.

మన శరీరము అనేది ఆత్మ నివసించడానికి ఇవ్వబడింది. ఆత్మ తృప్తి పరచబడాలి అంటే శరీరము సహకరించాలి. ఉదాహరణకు నీ కడుపు తృప్తి చెందాలి అంటే నీ చేతులు సహకరించాలి కదా! దీనిని బట్టి ఆత్మ సిద్ధమే కానీ శరీరము బలహీనము అనే వాక్యము యొక్క అర్థము తెలుస్తుంది. అందుకే నీవు విన్న వాక్యమును “ఆమేన్” అనే మాట పలుకునట్లు “నోరు” సహకరిస్తే ఆ వాక్యము స్థిరపరచబడుతుంది.

“దేవుడెవరిని ముందు ఎరిగెనో, వారు తన కుమారునితో సారూప్యము గలవారవుటకు” అనగా మనము మృతమైపోయాము కానీ క్రీస్తు మనలో జీవిస్తున్నాడు అని అర్థము.

క్రీస్తు యేసులోనికి బాప్తిస్మము పొందిన మనమందరము ఆయన మరణములోనికి బాప్తిస్మము పొందితిమని మీరెరుగరా?౹ కాబట్టి తండ్రి మహిమవలన క్రీస్తు మృతులలోనుండి యేలాగు లేపబడెనో, ఆలాగే మనమును నూతనజీవము పొందినవారమై నడుచుకొనునట్లు, మనము బాప్తిస్మమువలన మరణములో పాలుపొందుటకై ఆయనతోకూడ పాతిపెట్టబడితిమి.౹ -రోమా 6:3-4

“మీరెరుగరా?” అంటే, ఏమి యెరిగి ఉండాలి? “క్రీస్తు పాపము నిమిత్తమై మరణములో పాతిపెట్టబడ్డాడు” గనుక ఆయన సారూప్యమును ధరించుకున్న మనము “ఆ పాపము విషయములో పాతిపెట్టబడాలి అనగా మరణించాలి”. అప్పుడు “జీవము కొరకై” తిరిగి జీవిస్తాము. అందుకే పౌలు చెప్తున్నాడు, “నేను కూడా సిలువ వేయబడ్డాను – లోకానికి, పాపానికి” అని.

నీవు నేను పాపము విషయములో మరణించవలసినదే, సిలువవేయబడవలసినదే. లోకమంతా అందముగా కనబడుతుంది గానీ అది మరణకరమైనది. ఆదాము తినవద్దన్న ఫలమును రోజూ చూసినప్పుడు అది రమ్యమైనదిగా కనబడలేదు అయితే ఎప్పుడైతే అపవాది ప్రేరేపించిందో అప్పుడు అది రమ్యముగా కనబడింది. అందుకే లోకమువైపు చూసి ఏ విషయముపై దృష్టి పెడతారో ఆ విషయముబట్టి దేవుని మహిమను కోల్పోయేవారిగా అయిపోతాము.

మరొక క్రీస్తు సారూప్యము, “విధేయత”. దేవుని మాటకు లోబడుట. పాపము విషయములో మన హృదయము మండాలి. యేసయ్య మాటలు విన్నప్పటికీ నేను ఎందుకు మారలేదు అనే కసి నీలో పెరగాలి. పౌరుషము కలిగి నిలబడటానికి ఇది చాల అవసరము. ని జీవితమును నీవే సిద్ధపరచుకోవాలి.

“నూతనజీవము పొందినవారమై నడుచుకొనునట్లు” అనగా ఏమిటి? కేవలము పొందుకోవడము మాత్రమే కాదు కానీ, దినదినమూ ఆ జీవములో నిలిచి కొనసాగునట్లు అని అర్థము. పాపము అనుమతిస్తే, జీవము పోగొట్టుకుంటాము. అయితే ఆ జీవములో నిలిచి ఉన్నప్పుడు ఆ జీవములోనూ వృద్ధి కలుగుతుంది. ఉదాహరణకు చిన్నపిల్లవాడిని చూస్తే, మొదట వాడు బలహీనముగా ఉంటాడు, ఆధారపడి ఉంటాడు అయితే ఎదిగే కొద్దీ, వాడిలో మార్పు వస్తుంది. అలాగే మనము కూడా, ఆ జీవములో నిలిచి ఉంటే, మన క్రియలలో మార్పు కనబడుతుంది.

యేసయ్య జీవితములో పాపమునకు ఎక్కడా కూడా లోబడలేదు. మరి ఆయన సారూప్యతను ధరించుకొనిన మనము కూడా అదే విధముగా నిలిచి ఉండాలి.

మరియు ఆయన మరణముయొక్క సాదృశ్యమందు ఆయనతో ఐక్యముగలవారమైనయెడల, ఆయన పునరుత్థానముయొక్క సాదృశ్యమందును ఆయనతో ఐక్యముగలవారమై యుందుము.౹ -రోమా 6:5

దీని అర్థము “క్రీస్తు నాలో జీవించుచున్నాడు” ఆయన జీవించిన విధానము నాలో కనబడుతుంది అని అర్థము.

ఏమనగా మనమికను పాపమునకు దాసులము కాకుండుటకు పాపశరీరము నిరర్థకమగునట్లు, మన ప్రాచీన స్వభావము ఆయనతోకూడ సిలువవేయబడెనని యెరుగుదుము.౹ చనిపోయినవాడు పాపవిముక్తుడని తీర్పుపొందియున్నాడు.౹ మనము క్రీస్తుతోకూడ చనిపోయినయెడల, మృతులలోనుండి లేచిన క్రీస్తు ఇకను చనిపోడనియు, మరణమునకు ఇకను ఆయనమీద ప్రభుత్వము లేదనియు ఎరిగి, ఆయనతోకూడ జీవించుదు మని నమ్ముచున్నాము.౹ -రోమా 6:6-8
మరియు అపరాధముల వలనను, శరీరమందు సున్నతిపొందక యుండుటవలనను, మీరు మృతులై యుండగా, దేవుడు వ్రాతరూపకమైన ఆజ్ఞలవలన మనమీద ఋణముగాను మనకు విరోధముగాను నుండిన పత్రమును మేకులతో సిలువకు కొట్టి, దానిమీది చేవ్రాతను తుడిచివేసి, మనకు అడ్డములేకుండ దానిని ఎత్తి వేసి మన అపరాధములనన్నిటిని క్షమించి, ఆయనతోకూడ మిమ్మును జీవింపచేసెను; ఆయన ప్రధానులను అధికారులను నిరాయుధులనుగాచేసి, సిలువచేత జయోత్సవముతో వారిని పెట్టి తెచ్చి బాహాటముగా వేడుకకు కనుపరచెను. -కొలొస్సయులకు 2:13

పాపవిముక్తి కొరకు వెల చెల్లించబడింది. అందుకే నీవు “ప్రాచీన స్వభావమును” సిలువ వేసిన జీవితమును జీవిస్తే, “పాపవిముక్తుడవు” అనే తీర్పు పొందుతావు.

మీరు వాటినిచేయుచు, వాయు మండల సంబంధమైన అధిపతిని, అనగా అవిధేయులైన వారిని ఇప్పుడు ప్రేరేపించు శక్తికి అధిపతిని అనుసరించి, యీ ప్రపంచ ధర్మముచొప్పున మునుపు నడుచుకొంటిరి.౹ -ఎఫెసీయులకు 2:2

అవిధేయులు అనగా “మాట” విననివారు. అపవాది అధికారములో అనేకమైన దురాత్మలు పనిచేస్తాయి. మనలో ఉన్న “ప్రాచీన స్వభావము”, “అవిధేయత” ను బట్టి మనను పట్టి లోబరుచుకుంటాయి. అయితే, ఎప్పుడైతే మనము “ప్రాచీన స్వాభావము” విషయములో సిలువ వేలిసిన జీవితము జీవిస్తామో, అప్పుడు “ప్రాచీన స్వభావము” బట్టి నిన్ను లోబరుచునే అపవాదికి అవకాశము ఇవ్వవు. ప్రభువైన యేసు మనలను తిరిగి జన్మింపచేయబడటానికి ఆయన ప్రసవ వేదన పడ్డాడు.

మనము క్రీస్తుతోకూడ చనిపోయినయెడల, మృతులలోనుండి లేచిన క్రీస్తు ఇకను చనిపోడనియు, మరణమునకు ఇకను ఆయనమీద ప్రభుత్వము లేదనియు ఎరిగి, ఆయనతోకూడ జీవించుదు మని నమ్ముచున్నాము.౹ -రోమా 6:8

చనిపోయినవాడి మీద మరణము ఇంక ఏలుబడి ఎలా చేయగలదు? పాపము విషయములో చనిపోయిన మనపై అధికారము ఇంక అపవాది ఇంక ఏలుబడి చేయలేదు.

అటువలె మీరును పాపము విషయమై మృతులుగాను, దేవుని విషయమై క్రీస్తుయేసునందు సజీవులుగాను మిమ్మును మీరే యెంచుకొనుడి. -రోమా 6:11

మనకు మనమే ఈ విధముగా సిద్ధపరచబడాలి. పాపము విషయములో మనము చనిపోయి, క్రీస్తు విషయమై జీవించాలి అనే తీర్మానము కలిగి జీవిచాలి.

నేను నిజమైన ద్రాక్షావల్లిని, నా తండ్రి వ్యవ సాయకుడు.౹ నాలో ఫలింపని ప్రతి తీగెను ఆయన తీసి పారవేయును; ఫలించు ప్రతి తీగె మరి ఎక్కువగా ఫలింపవలెనని దానిలోని పనికిరాని తీగెలను తీసివేయును.౹ -యోహాను 15:1-2

మన జీవితాలను ఫలించనియ్యకుండా పాపము అడ్డుగా వచ్చింది. ఇప్పుడు పాపము విషయములో చనిపోయినట్టయితే మనము మరి ఎక్కువగా ఫలించేవారిమి గా అవుతాము.