09-04-2023 – ఆయన లేచి ఉన్నాడు

పునరుత్థాన ఆదివారపు సందేశం

పునరుత్థానము నిజముగా అవసరమా? అని మనము ఈరోజు ధ్యానము చేస్తాము.

విశ్రాంతిదినము గడచిపోయిన తరువాత ఆదివారమున, తెల్లవారుచుండగా మగ్దలేనే మరియయు వేరొక మరియయు సమాధిని చూడవచ్చిరి. దూత ఆ స్త్రీలను చూచి–మీరు భయపడకుడి, సిలువ వేయబడిన యేసును మీరు వెదకుచున్నారని నాకు తెలియును -మత్తయి 28:1,5

సిలువ వేయబడిన యేసును సమాధులలో ఆ స్త్రీలు వెతుకుతున్నారు. సత్యము తెలియక వారు ఆవిధముగా చేయుచున్నారు.

ఆయన ఇక్కడ లేడు; తాను చెప్పినట్టే ఆయన లేచియున్నాడు -మత్తయి 28:6

వెతకవలసినది ఎక్కడ వెతకాలి, ఎక్కడ వెతుకుతున్నారు. ఆయన చెప్పినట్టే లేచి యున్నాడు గనుక ఆయనను ఎక్కడ వెతకాలి? ఆయన చెప్పినట్టు గలిలయలో వెతికేవారు. ఎందుకంటే యేసయ్య వారికంటే ముందుగా గలిలయకు వెళతానని యేసయ్య చెప్పిన మాటలు చెప్పాడు.

మరొక విధానములో చూస్తే, మనము కూడా యేసయ్య రక్తము చిందించి వెల చెల్లించి ఆ పాపము యొక్క అధికారమును నీ మీదనుండి తీసివేసాడు. అయినప్పటికీ, మరలా పాపము నుండి విడుదల చెయ్యమనే అలోచన గలిగి ఉన్నాము, అయితే ఆయన జయమునిచ్చిన తరువాత పాపము నిలిచి ఉన్నట్టుగా మన ధోరణి ఉంటుంది.

ఉదాహరణకు అనారోగ్యము వచ్చింది అనుకోండి మన ప్రార్థన ఎలా ఉంటుంది అంటే, నీవు పొందిన దెబ్బల చేత నాకు స్వస్థత కలిగింది దానిని బట్టి నన్ను స్వస్థపరచు అని ప్రార్థిస్తాము. అయితే పునరుత్థానపు విశ్వాససహితమైన ప్రార్థన ఎలా ఉంటుంది అంటే, “పునరుత్థాన విజయమును ఆధారము చేసుకొని ఉంటుంది”.

దేవుని మూలముగా పుట్టినవారందరును లోకమును జయించుదురు; లోకమును జయించిన విజయము మన విశ్వాసమే౹ -1 యోహాను 5:4

క్రీస్తు పాతాళములో విడువబడలేదనియు, ఆయన శరీరము కుళ్లిపోలేదనియు దావీదు ముందుగా తెలిసికొని ఆయన పునరుత్థానమునుగూర్చి చెప్పెను.౹ -అపొస్తలుల కార్యములు 2:31

ఆయననుగూర్చి దావీదు ఇట్లనెను –నేనెల్లప్పుడు నా యెదుట ప్రభువు ను చూచు చుంటిని ఆయన నా కుడిపార్శ్వముననున్నాడు గనుక నేను కదల్చబడను.
కావున నా హృదయము ఉల్లసించెను; నా నాలుక ఆనందించెను మరియు నా శరీరము కూడ నిరీక్షణ గలిగి నిలకడగా ఉండును. నీవు నా ఆత్మను పాతాళములో విడిచిపెట్టవు నీ పరిశుద్ధుని కుళ్లుపట్టనియ్యవు. నాకు జీవమార్గములు తెలిపితివి నీ దర్శన మనుగ్రహించి నన్ను ఉల్లాసముతో నింపెదవు. -అపొస్తలుల కార్యములు 2:25-28

నీవు నా కుడిపార్శ్వమున కూర్చుండుమని ప్రభువు నా ప్రభువుతో చెప్పెను అని దావీదు ఆయనను ప్రభువని ఆత్మవలన ఏల చెప్పుచున్నాడు? -మత్తయి 22:44

మనుష్యుని ద్వారా మరణము వచ్చెను గనుక మనుష్యుని ద్వారానే మృతుల పునరుత్థానమును కలిగెను.౹ -1 కొరింథీయులకు 15:21

ప్రకృతిసంబంధమైన శరీరముగా విత్తబడి ఆత్మసంబంధ శరీరముగా లేపబడును. ప్రకృతిసంబంధమైన శరీర మున్నది గనుక ఆత్మసంబంధమైన శరీరము కూడ ఉన్నది.౹ -1 కొరింథీయులకు 15:44

క్షయమైన యీ శరీరము అక్షయతను ధరించుకొనవలసియున్నది; మర్త్యమైన యీ శరీరము అమర్త్యతను ధరించుకొనవలసియున్నది.౹ -1 కొరింథీయులకు 15:53

పునరుత్థానము ద్వారా శరీరము ద్వారా సమాధిచేయబడి, మహిమ శరీరముగా చేయబడ్డాడు. మరొకలా చూస్తే, క్షయమైన శరీరము సమాధిలో విత్తబడింది. తరువాత అక్షయతను ధరించుకొనిన మహిమ శరీరము గా లేపబడింది.

యేసు మరల తనలో మూలుగుచు సమాధియొద్దకు వచ్చెను. అది యొక గుహ, దానిమీద ఒక రాయి పెట్టియుండెను.౹ యేసు–రాయి తీసివేయుడని చెప్పగా చనిపోయినవాని సహోదరియైన మార్త–ప్రభువా, అతడు చనిపోయి నాలుగు దినములైనది గనుక ఇప్పటికి వాసనకొట్టునని ఆయనతో చెప్పెను.౹ -యోహాను 11:38-39

లాజరు చిపోయి 4 దినాలు అయింది. యేసయ్య చనిపోయి 3 దినాలు అయింది. ఇద్దరూ సమాధి చేయబడ్డారు.

ఆయన ఆలాగు చెప్పి–లాజరూ, బయటికి రమ్మని బిగ్గరగా చెప్పగా౹ చనిపోయినవాడు, కాళ్లు చేతులు ప్రేత వస్త్రములతో కట్టబడినవాడై వెలుపలికి వచ్చెను; అతని ముఖమునకు రుమాలు కట్టియుండెను. అంతట యేసు– మీరు అతని కట్లు విప్పిపోనియ్యుడని వారితో చెప్పెను. -యోహాను 11:43-44

లాజరు వెలుపలకు వచ్చాడు, యేసయ్య కూడా వెలుపలకి వచ్చాడు. అయితే లాజరు సమాధిచేయబడ్డప్పుడు ఎలా అయితే పెట్టబడ్డాడో అలాగే లేచాడు. అయితే యేసయ్య సమాధిచేయబడ్డలాగున తిరిగి లేవలేదు. ప్రేతవస్త్రమలు తొలగించబడ్డాయి. మరి లాజరుకు ఆ విధముగా లేదు. దానికి కారణము యేసయ్య ఇంకనూ పునరుత్థానము కానందువలన. అందుకే యేసయ్య పునరుత్థానుడవుట ఎంతో అవశ్యకము.

ఆయన ప్రధానులను అధికారులను నిరాయుధులనుగాచేసి, సిలువచేత జయోత్సవముతో వారిని పెట్టి తెచ్చి బాహాటముగా వేడుకకు కనుపరచెను – కొలస్సీ 2:13.

ఆయన జగత్తు పునాది వేయబడకమునుపే నియమింపబడెను గాని తన్ను మృతులలోనుండి లేపి తనకు మహిమనిచ్చిన దేవునియెడల తన ద్వారా విశ్వాసులైన మీ నిమిత్తము, కడవరి కాలములయందు ఆయన ప్రత్యక్ష పరచబడెను. కాగా మీ విశ్వాసమును నిరీక్షణయు దేవునియందు ఉంచబడియున్నవి.౹ -1 పేతురు 1:20

నాకియ్యబడిన ఉపదేశమును మొదట మీకు అప్పగించితిని. అదేమనగా, లేఖనముల ప్రకారము క్రీస్తు మన పాపములనిమిత్తము మృతిపొందెను, సమాధిచేయబడెను,౹ లేఖనముల ప్రకారము మూడవదినమున లేపబడెను.౹ -1 కొరింథీయులకు 15:3-4

లేఖనములు అనగా దేవునిచేత ముందుగా చెప్పబడి వ్రాయబడినవి తెలియచేయబడినవి. నీ, నా పాపములకు వెల చెల్లించబడినది ఆ తరువాత సమాధి చేయబడి, తిరిగి లెచాదు.

ఆయన ఆ బలాతిశయముచేత క్రీస్తును మృతులలోనుండి లేపి, -ఎఫెసీయులకు 1:20

మృతులలోనుండి యేసును లేపినవాని ఆత్మ రోమా 8:11

యేసయ్యతో పాటు నీ నా పాపములు సమాధి చేయబడ్డాయి అనే సత్యము మనము గ్రహించాలి. అప్పుడు మనము పునరుత్థాన జీవితము జీవించగలుగుతాము.

ఏ విధముచేతనైనను మృతులలోనుండి నాకు పునరుత్థానము కలుగవలెనని, ఆయన మరణవిషయములో సమానానుభవముగలవాడనై, ఆయనను ఆయన పునరుత్థానబలమును ఎరుగు నిమిత్తమును, ఆయన శ్రమలలో పాలివాడనగుట యెట్టిదో యెరుగు నిమిత్తమును, సమస్తమును నష్టపరచుకొని వాటిని పెంటతో సమానముగా ఎంచుకొనుచున్నాను.౹ -ఫిలిప్పీయులకు 3:10

జీవించువారికమీదట తమకొరకు కాక, తమ నిమిత్తము మృతిపొంది తిరిగి లేచినవానికొరకే జీవించుటకు ఆయన అందరికొరకు మృతిపొందెననియు నిశ్చయించు కొనుచున్నాము.౹ -2 కొరింథీయులకు 5:15

ఈ మూడు రోజులు జరిగినది ఒకసారి జ్ఞాపకము చేసుకొంటే,

1. మొదటి దినము: సిలువలో వెల మన పాపములకు చెల్లించబడింది.
2. రెండవ దినము: సమాధి చేయబడ్డాడు ఆయనతో పాటు మన పాపములను సమాధిచేసాడు. చెరను విడుదలచేసాడు.
3. మూడవ దినము: పాప పరిహారము ముగించిన యేసయ్యకు తండ్రి ఆత్మ ద్వార పునరుత్థాన శక్తి అనుగ్రహించి మృతులలో నుండి లేపినాడు.